domingo, 7 de junio de 2009

Falando entendese a xente

As institucións publicas e privadas, pero principalmente os administradores e os directivos están condenados a entenderse e deben facelo así independentemente da súa ideoloxía, cando falla ese entendemento pagámolas os administrados e socios, e o que é peor, págao a nosa cultura, o patrimonio, o medioambente, etc.

Un exemplo de cooperación foi a que xurdiu entre o Concello e a Comunidade de Montes de Goiáns-Portosín, que xuntos están promovendo unha restauración etnolóxica.

El Correo Gallego: O Concello de O Son restaura en Portosín unha fonte e o seu entorno, obra solicitada polos veciños fai meses

En Nebra pasa todo o contrario, buscase a confrontación por motivos non "declarados".

Un primeiro exemplo veuse fai tempo co atraso apostas do sometemento á asemblea para debater, aprobar ou rexeitar a solicitude feita polo Concello para crealo punto limpo na antiga canteira.

Por certo, a xunta reitora aínda non dou conta das contraprestacións que recibimos por cedela zona. Eu coñézoas grazas a unha entrevista que por motivos persoais mantiven con alcalde que aproveitou para informarme disto e doutros temas, pero de 260 comuneiros que formamos parte da comunidade, cantos coñecen ese dato?

O segundo exemplo tamén me veu da súa man ao informarme que non lle parecía correcto que a directiva pasase olimpicamente del ao non solicitala correspondente licenza municipal para facer dúas obras menores como foi o muro e unhas escaleiras, a carón do local da comunidade.

Se ten razón non o sei, o que si sei e que se iso o fai un particular seguro que xa estaba denunciado, neste caso ao mellor non se actúa igual porque politicamente podería ser incorrecto.

No hay comentarios:

Publicar un comentario

Para poder comentar só pido sentido e respecto.