martes, 2 de octubre de 2012

Cando a burocracia se converte en burrocracia

Tarefas madeireiras en Lourizán, un dos usos máis comúns de aproveitamento do monte. R. V
Que por culpa dun erro burocrático, se poida perder este importante proxecto pioneiro, non tería perdón. Se a iso lle engadimos, que as cousas de palacio van demasiado lentas, xuntase a fame coa gañas de comer.
Faro de Vigo: Un proxecto pioneiro en Galicia asesorará sobre usos alternativos do monte

A Mancomunidade de Montes de Pontevedra está a ultimar un proxecto pioneiro en Galicia co que se pretende aumentar o aproveitamento alternativo e sustentable, propondo aos máis de 1.000 propietarios de chan opcións máis aló da habitual explotación madeireira. O plan xa foi presentando ante a Fundación Biodiversidade e tamén se dá a coñecer aos responsables do programa Leader, do que se aspira a recibir financiamento procedente da Unión Europea.

Trátase dun "proxecto de custodia" cuxa posta en funcionamento unicamente está pendente de que lle sexa asignada a correspondente partida orzamentaria. A intención é que os donos de chan forestal, xa sexan particulares ou comunidades de montes, poidan acceder a información e tamén subvencións para realizar outro tipo de actuacións, tratando de conxugar o aproveitamento económico e social coa rexeneración arbórea e o coidado co medioambiente.

Con iso lograrase aumentar a vixilancia sobre os montes, á vez que un maior coidado permanente sobre as masas arbóreas. "As comunidades de montes poden desenvolver estes programas cos que se logra unha xestión responsable do territorio, non todo ten que ser xestión económica", indican desde a mancomunidade, que agrupa a 12 colectivos e preside Juan José González.

Así mesmo, apúntase que esta "aposta" nace como unha experiencia única en Galicia e será a primeira en ser desenvolvida. Entre estes usos alternativos poderían figurar iniciativas como as de por en marcha plantacións agrarias ou zonas que se poidan achegar para o goce dos veciños e comuneiros ou da cidadanía en xeral.

Doutra banda, desde o organismo mancomunado apúntase que a Xunta está aínda pendente de abonar as axudas que son necesarias para que o colectivo poña en marcha os traballos encamiñados a previr os incendios forestais. A idea pasa por facerse cargo da limpeza deste tipo de contornas, tanto o que se refire a zona arbórea como a monte baixo. Algo que contribúe a reducir o risco de que se produzan lumes forestais. Así, exponse actuacións de coidado de camiños e devasas.

Con todo, e a pesar de que eses traballos de colaboración están xa acordados, un "erro administrativo", segundo indican desde a Mancomunidade, impediu que o Goberno galego entregue as correspondentes axudas económicas. Mentres isto non se arranxe, o colectivo non poderá inicialas tarefas dadas as necesidades en persoal que se requiren. "As axudas solicitadas non chegan dentro do prazo e o período de execución termina a finais deste mes", advirten os responsables da agrupación, que urxen que se emenden esas deficiencias de corte burocrático.

No hay comentarios:

Publicar un comentario

Para poder comentar só pido sentido e respecto.