miércoles, 29 de mayo de 2013

A saber cal é a súa composición e contaminación na capa freática?


Polo xeral, a gran maioría do eucaliptais están en zonas de fortes pendente que van rematar a ríos e acuíferos. Se este produto é tan tóxico, que mesmo o teñen que poñer a 30 centímetros das plantas, que pasa cos restos que non absorben os arbores que, coa choiva, poden rematar nos ríos e fontes que aproveitan os veciños da zona?

Esta é pregunta que tamén se fai, aínda que noutros termos a Organización Galega de Comunidades de Montes: Este abono para calquera outra especie pode queimar unha plantación enteira" en quente: Que será?

La Voz de Galicia: Rouban 6 toneladas de abono en Oia que só vale para eucalipto

Os propietarios advirten aos ladróns que queima outras plantacións

Nos montes de Loureza, en Oia, desapareceron seis toneladas de abono mineral. O roubo de plantas ou doutros materiais en zonas agrícolas ou de monte non é extraordinario, aínda que poucas veces chegan a denunciarse. Pero neste caso hai sorpresa tanto para os propietarios da mercancía como, posiblemente, para os ladróns. Eucaliptal

«Estou seguro de que quen levou esta mercancía non sabe o que é», asegura Carlos Rodríguez Campelos. É o encargado da plantación de eucaliptos que a empresa Enerxía e Celulosa (Ence) realizou nunha parcela de 50 hectáreas alugada á comunidade de montes de Loureza. Para este traballo subiron ao monte 12.000 dos 24.000 quilos do abono preparados especificamente en Asturias para a implantación de eucaliptos e que se trouxeron nun tráiler o 15 de maio.

Utilizáronse os primeiros mil quilos en Loureza pero, durante o descanso da ponte de maio, traballaron os ladróns e durante oito horas. É o tempo que como mínimo, precisaron para poder carrexar sácalas, segundo os cálculos da empresa. Para Ence, as perdas económicas ascenden a 3.000 euros e ademais este contratempo supón un importante atraso no traballo xa que hai que esperar a facer un novo pedido completo e transportalo. Pero o saldo parece que tamén vai ser negativo para os ladróns xa que o abono só serve para eucaliptos. «É insólito pola cantidade pero abrigo porque se se utiliza este abono para calquera outra especie pode queimar unha plantación enteira», advirte Carlos Rodríguez, con máis de tres décadas de experiencia. Non busca que os amigos do alleo desistan, porque o abono xa se acabou, pero non só lles aconsella que non o utilicen «porque queima, incluso nós pómolo a 30 centímetros das plantas». «Estou disposto a ir buscalo onde o teñan, sen represalia algunha», afirma consciente de que a invitación pode ser tan inservible como o propio abono aos ladróns.

Para estes as perdas poden incrementarse en función do uso que lle deron. Pero hai uns gastos mínimos moi á baixa difíciles de compensar coa mercancía. As rodaxes indican que se utilizou un coche. E os cálculos sobre o terreo que se precisaron polo menos oito horas para cargar 150 sacos de 40 quilos e percorrer 25 veces o traxecto de 10 quilómetros monte a través que separan a zona da primeira vía asfaltada; a unha media de seis sacos por viaxe. Se o abono se mal empregou, en dez días pode haber unha evidencia clara sobre campo.

No hay comentarios:

Publicar un comentario

Para poder comentar só pido sentido e respecto.