Engadido á entrada de rehabilitación de fontes

Fonte de O´Caldeirón

Demasiadas veces a xente non garda todo na memoria e a min pásame tamén. Por sorte, cando se trata de temas da comunidade teño as actas para refrescala, aínda que algúns prefiran non miralas para non ter que darlle a razón a quen a ten.

Revisando documentación para unha nova entrada, atopeime coa sorpresa de que no seu día non só habíamos falado de rehabilitar as fontes da parroquia nas reunións informais que tiñamos os directivos, se non que tamén o levamos a asemblea xeral celebrada o 8 de xaneiro de 2006, onde na acta pódese ler:

«Segundo Punto: Información.

Fontes: O Sr. presidente informa que a Deputación de A Coruña enviou unha circular á comunidade para poder optar a dúas subvencións: infraestruturas i equipamentos.

En infraestrutura queríase reparar algunhas fontes e lavadoiros, decantándose en principio pola de O´Caldeirón en Resúa e a de Calo, pero que nunha reunión co alcalde, propuxo que desistiramos xa que apenas nos ían dar nada e o concello tiña subvencións para elas.
Encargóuselle un proxecto a Lidón para a de O´Caldeirón, que se lle había presentado.

En equipamento solicitarase un ordenador e unha impresora».

A solicitude para equipamentos tramitara eu, e despois de haber sido aprobada, sen dicirme nada, cancelárona para acollerse a outra para facer un peche gandeiro (sic).

E claro, mentres tanto eu tiña que seguir facendo uso do meu material para servizo de todos, mentres xente allea á comunidade aproveitase dos nosos peches, sen que coñezamos as contra-prestacións obtidas, posto que a comunidade nin aprobou, nin asinou ningún contrato, tal e como establecen os Estatutos e a Lei de Montes. Iso sen contar, que ao principio levábanlle auga aos animais co coche da comunidade e despois, tamén cos fondos da comunidade, compraron unha mangueira para traer a auga do rio.

Isto si que é ditadura pura e dura.