Curiosidade

É curioso erguerme e ao revisar o correo atoparme, entre todos ese avisos do facebook, de viagras e de lotarías que me tocan na fin do mundo, un dun veciño do Son. Resulta que este meu veciño nun acto de reflexión, pídeme desculpas por ter depositado lixo a carón do contedor que temos en Quintáns (quizais é que nalgunha das miñas fotos recollese algo da súa propiedade e lle deron un toque?).

Lonxe do meu abraio ante tal correo e tal declaración, axuntou un vídeo que, a petición do mesmo, comparto cos lectores do blogue, onde da desculpas e nos lembra como; todos deberiamos ser conscientes de desfacernos do lixo en condicións sen prexudicar a ninguén.