domingo, 27 de mayo de 2012

Actos execrables e criminais

Esta visto que o home é o maior depredador contra os animais. Mentres nos nosos montes algúns dedícanse a poñer lazos ilegais contra os lobos, e mesmo tirar cebos envelenados que poden comer outros animais, noutros montes outros dedícanse a matar cabalos, algo bastante habitual tamén por aquí non fai tantos anos. É a pescada que se morde o rabo: uns e outros tentan protexelos seus bens cometendo actos execrables e criminais.
De novo, o lugar de Cimadevila, no municipio de Campo Lameiro, viuse relacionado coa mortaldade de cabalos e reses mostrencas. Hai escasos días, segundo confirmaron fontes do ministerio público, a Garda Civil localizou varias artes de caza ilegais e numerosos restos óseos de reses salvaxes nun monte próximo a este lugar da provincia de Pontevedra.

No pasado recente, Cimadevila xa foi escenario de dous episodios onde dezaseis cabalos foron abertos en canle a coiteladas. Nesta ocasión, os axentes do Seprona localizaron dous lazos metálicos nun aparente estado de abandono e que estaban colocados noutros tantas árbores moi próximas entre si. Así o apuntaron desde o ministerio público pontevedrés fontes que apuntaron que a información da que dispuñan era extraoficial xa que onte aínda descoñecían se desde o instituto armado remitiuse algún tipo de documento respecto diso.

A investigación
En calquera caso, desde a Fiscalía de Pontevedra mostráronse de acordo coa hipótese que se manexa no seo do Servizo de Protección da Natureza da Garda Civil de Pontevedra e que apunta na dirección dunha vinganza agraria. Así, engadiron que algúns propietarios de terreos poderían ter optado por un método tan expeditivo como brutal, tras ter sufrido danos nos seus cultivos por parte do gando salvaxe. En moitos casos, trátase de animais que carecen de chips ou outros signos identificativos que permitan a localización do seu dono.

Ademais, neste caso concreto os axentes do instituto armado non só acharon as artes prohibidas, senón que, nas súas proximidades, localizaron unha importante cantidade de ósos, así como restos en descomposición que presumiblemente se corresponden con cabalos e vacas salvaxes. «En principio, aínda non se puido establecer o número de reses mortas», engadiron desde o ministerio público pontevedrés.

Estas fontes consideran que algúns dos animais tiveron que pasar un sufrimento insoportable antes de morrer e, de feito, non se descarta que en determinados casos pasasen, incluso, días agonizando.

Fonte orixinal: La Voz de Galicia
Mentres tanto AXENA segue denunciando a pasividade da Xunta no tema dos lobos e lobicáns: Asesinos de Lobos en el Barbanza (XVII): ASCEL se persona como acusación popular

No hay comentarios: