De como se engana aos amigos por interese particular

Se no seu día estes ou outros cabalos ocupaban de xeito irregular este peche na nosa Comunidade, cando o seu propietario residía na parroquia, non habería problema se se aprobase nunha Asemblea Xeral.

Neste momento que non o é, non pode telos aí por moito que presente unha autorización que lle asignou o ex-presidente e ex-secretario. Sinaturas que non está referendadas nin pola Xunta Reitora e moito menos pola Asemblea Xeral tal e como sinalo no primeiro paragrafo.

Como se pode ver no primeiro enlace, o ex-presidente non era a primeira vez que á conta dos comuneiros e comuneiras facía favores ás nosas costas como se fose o cacique da parroquia.

"O descoñecemento da lei non exime do seu cumprimento".

Luns, 8 de decembro de 2008: Favores na comunidade

Unha gandeira de Baiona, obrigada a sacrificar 120 vacas polo rexeitamento dos comuneiros

Mentres uns arrasan con todo, outros traballan moi duro

Non son os primeiros casos, nin por desgraza van ser os últimos, pero fastidia cando algúns desalmados levan por diante o traballo de todo un colectivo que mira polo ben común.

Incendios; cortes nos balados e peches gandeiros; roubo de arbores recen plantados; danos en instalacións comúns... a lista é interminable. Todo iso non só supón un prexuízo laboral, se non económico, nada doado de cuantificar, porque unha cousa é calcular os gastos no intre que se efectúan estes traballos, e outro, o prexuízo que causan á larga.

Arriba unha desfeita causada sobre o ano 2000 na nosa comunidade, nas chans do Barbanza, onde alguén, ou cortaron este peche ao longo de máis de dous quilómetros. A foto foi tomada no pasado San Xoán, e como se pode comprobar, a maior parte do aramio segue alí tirado.

Faro de Vigo: Comuneiros prevén iniciar nos próximos días a reparación de Chan de Arquiña

Reparar os danos do peche de Chan de Arquiña é unha prioridade para os comuneiros de Domaio. Tras por en coñecemento das autoridades as desfeitas en varias zonas do valado que delimita o perímetro da zona, varios membros do colectivo reuníronse para determinar que labores hai que realizar para remediar as desfeitas nun período breve de tempo. Barállanse dúas posibilidades: repor os postes danados ou tratar de reparalos, a condición de que se logre una certa estabilidade. Os traballos poderían comezar a próxima semana, aínda que é necesario establecer un plan de actuación para actuar de forma "mecánica" para rematar os labores canto antes.

En total, romperon 324 metros de peche, tal e como especifica un dos comuneiros. Non obstante, é importante actuar con prontitude para que non accedan á zona os cabalos. "Non queremos que se dilate demasiado a reparación porque os cabalos están afeitos a non acceder e nuns días podar coller o hábito de novo", especifican.

En canto á investigación dos feitos, o colectivo continúa sen coñecer a identidade dos responsables da acción vandálica e aseguran que pode ser unha tarefa un tanto complicada, xa que é unha zona despoboada na que a néboa adoita ser bastante espesa. Non obstante, confían en que as fontes policiais poidan desvelar algún dato nos próximo días.

Faro de Vigo: Tentan queimar unha plantación de 9.000 carballos no monte comunal de Baíña

Hai xente para todo

Bárbara Pereira e Jorge Fernández,
nunha das parcelas onde subtraeron 310 carballos a fin de semana

Se nestes tempos xa é complicado acadar subvencións, se despois por riba che rouban o que con tanto esmero plantastes, cando non é o lume o que arrasa con todo, a sensación ten que ser moi agridoce. Agardemos que dean cos culpables e que a lei caia sobre eles con todo o seu peso.

O monte comunal da parroquia baionesa de Baíña rexistrou o pasado fin de semana o seu segundo roubo de árbores recentemente plantadas en só tres meses. Tras a desaparición de 110 especies autóctonas -castiñeiros e carballos- o pasado marzo, a comunidade de montes da zona lamenta a perda doutros 310 carballos, valorados nuns 6.000 euros, segundo os cálculos iniciais.

O roubo produciuse na madrugada do sábado. Varios técnicos da empresa de enxeñaría forestal que traballa coa comunidade de montes terminaran de plantalos ás seis da tarde do venres nunha superficie dunhas seis hectáreas, situada xunto á pista que une Chan da Lagoa con San Cosme. Á mañá seguinte, ao redor das doce do mediodía, un grupo de membros da sociedade de montes acudiu á zona para visitar os carballos recentemente colocados e atopáronse con que desapareceran.

A presidenta da comunidade de montes de Baíña, Bárbara Pereira Meneses, interpuxo onte unha denuncia no posto principal da Garda Civil de Baiona, cuxos axentes investigan as circunstancias do ocorrido, que podería ter relación co roubo do pasado mes de marzo.

Naquela ocasión, os ladróns levaron 110 plantas, 60 castiñeiros e 50 carballos, que foran plantados nun espazo dunhas dúas hectáreas no acceso ao lugar de Valdofeito. Un comuneiro da zona descubriu tamén o ocorrido ao pasear polo lugar, onde comprobou que os autores dos feitos arrincaran os protectores plásticos que resgardaban as plantas do gando e deixáronos esparexidos polo terreo.

Fonte orixinal: Faro de Vigo

Os roubos de árbores en Baíña pon en perigo un investimento de 30.000 euros en Chan da Lagoa