domingo, 12 de octubre de 2008

Extraído da web de Afune:

Asístenos o dereito de recoñecer e reclamar unha parte da nosa historia, as xeracións vindeiras deben coñecer a verdade do acaecido aquel 12 de outubro do ano 1916, a represión da garda civil fronte os veciños de Nebra, dispostos na ponte de Cans para facer oposición ao cobro forzado dun deficit imposto polo concello para salvala súa situación de endebedamento.

O acto organizase ao pé do monolito colocado no ano 2001, na conmemoración do 85 aniversario daqueles feitos. Veu substituindo a un xa existente que se erixida ao pouco da cruenta páxina da historia de Nebra, pero que desapareceu, como desapareceu aquel suceso da lembranzas dos veciños, nun silencio que chegou ata fai 9 anos.

Queda pois, darlle nome aos caidos naquela triste mañá de xoves:
Antonio Sobrado Luaces (54)
Francisca Carou (50)
Ramona Suárez Pouso (54) (fina o día 15)
Xenerosa Vidal (-) (fina o día 15)
Rosa Cadórniga Maneiro (-) (fina o día 15)

mortos en días posteriores polas feridas recibidas:
Segundo Piñeiro Filgueira (19)
Manoel Paredes Romero (59)
Lorenzo Mariño Maneiro (45)
Xoan Laranga Maneiro (56)
Ramona Caamaño Barros (20)
Xenerosa Lago Tomé (24)
Rosa Maneiro Loxo (32)
Socorro Santamaría Piñeiro (16)
Roque Maneiro Sieira (52)

e 30 máis, con feridas menos graves.

No hay comentarios: