miércoles, 13 de mayo de 2009

Comuneiros de Boiro ceden terreos

Hoxe sae esta gran noticia para os veciños e veciñas de Boiro, agardemos que non sexa unha promesa mais dos políticos: Os comuneiros de Boiro ceden terreos cerca do centro urbano para unha residencia de maiores

Da noticia interésame facer unhas reflexións en voz alta, que me interesan debullar moi polo miúdo:
«Onte, o propio alcalde recordou que o bipartito autonómico, no seu día, comprometeuse a apoiar a creación deste edificio, sen que se acabase concretando esa promesa sequera sobre o papel».
É curioso, catro anos calados mirando para outro lado, agora largan todo e quedan tan panchos. Sinto dicilo, pero o cinismo dos políticos alcanza cotas inimaxinables. En fin, os votantes sempre teñen a tixola polo man 1 día, e 1459 para arrepentirse.
«Los comuneros de Boiro cedieron al Concello los terrenos necesarios para levantar el inmueble...».
A noticia dío ben claro, "os comuneiros cederon", para nada se di "o presidente cedeu".

O domingo, o noso presidente tamén foi ben claro, el solo foi quen cedeu ou puxo o local da comunidade ao servizo do seu partido para dar un mitin. Iso si, se isto chegan a facelo outros, el e os seus compañeiros porían o grito no ceo.
Pero bueno, escoitarlle a algunha comuneira dicir que gracias a el se construíu o local apaga e vamos. Ata onde sei, pagouse gracias aos pinos do monte e o presidente non puxo ren do seu peto.
Esa señora, ao igual que o presidente, que non son nativos de Nebra, seguramente non sabe que cando se plantaron, os nosos avós derramaron moitas bagoas porque de ter unha economía de subsistencia gracias a súa pequena cabana de cabras e ovellas, tiveron que malvendelas cando lles roubaron o monte. Pero que pode entender disto xente que non viviu esas calamidades?.
Se temos o local non é mérito nin deste presidente, nin de calquera outro, nin tan sequera meu, que ao fin e ao cabo, fun o único que loitou para que o solar fose única e exclusivamente da comunidade e non de seis ex-directivos. Remito, para min todo mérito e dos nosos avós e pais que participaron na repoboación.
«Para que a cesión non quede no aire, onte mesmo asinouse un convenio entre as partes, e esta mesma semana o asunto levará a pleno. Ademais, os comuneiros, cuxa directiva estivo representada na firma do acordo por varios membros, co presidente Manuel Sieira á cabeza, sinalaron que non están dispostos a que a construción da residencia demórese eternamente...».
Mais claridade imposible. Son testemuñas da sinatura varios membros da directiva co seu presidente á cabeza, o goberno local de Boiro e a prensa. Non podo dicir o mesmo das cesións que se fixeron en Nebra ás nosas costas, como foi permitir que gandeiros alleos á comunidade fixesen uso das nosas instalacións. No enlace poden ver os cabalos que ao final resultaron ser dun veciño de Noia: Favoritismos na nosa comunidade

E falando de favoritismos, que dereitos aplicarían algúns directivos que fixeron queimas nas súas propiedades, para ter ao seu dispor o coche da comunidade coa motobomba?. Non se dan de conta que Nebra, aínda sendo a parroquia máis grande do Concello, máis tarde ou máis cedo sábese todo.

No hay comentarios:

Publicar un comentario

Para poder comentar só pido sentido e respecto.