Algo máis que unha simple cesión

Lodazal asqueroso en Frontón

Fai algo máis dun ano publicara Revolta comuneira en Frontón e hoxe rescato esta outra noticia que ten moito que ver, por dúas cuestións, porque non entendo as contas que tiña feita a xunta reitora e máis, como Medio Rural presuntamente permitiu esta desfeita e aberración: Desastre sen dimensións no corazón da Ribeira Sacra. Na ligazón están o resto de fotos e non ten desperdicio o artigo.

Así está quedando el monte comunal

En Nebra non chegamos a tanto, pero insisto na pregunta sen resposta hasta o momento, se os comuneiros non fixemos ningunha cesión, quen é o que autoriza os aproveitamentos nos peches a gandeiros? Polo que podemos ver, en Frontón parece que alo menos convocaron unha asemblea para debátelo tema, que non fosen tódolos comuneiros e logo que protestasen non son xeitos, pero é que aquí, nin iso.

A xunta reitora da comunidade de montes de Frontón, en Pantón, defendeu o proxecto gandeiro que desenvolve en terreos comunais a empresa SAT Frontón fronte ás críticas dalgúns veciños que o denunciaron ante as consellerías de Medio Rural e Medio Ambiente. Segundo afirman, o acordo que permitiu iniciar este proxecto foi aprobado no seu momento por 26 dos 49 comuneiros da parroquia nunha asemblea á que acudiron 32 persoas, na que houbo quince abstencións e unha soa votou en contra. Así mesmo, aseguran que a roza dos terreos que se destinarán a uso gandeiro conta coa aprobación de Medio Rural. «Está claro que os que non están de acordo con este proxecto poden expresar as súas discrepancias canto queiran, pero o que non pódese dicir é que isto se fixo sen coñecemento dos veciños e que non se actuou conforme á legalidade», engaden desde a xunta reitora.

O presidente da xunta reitora, Gerardo González Piñeiro, considera que os traballos emprendidos pola SAT Frontón no monte comunal non están a causar ningún dano ambiental, en contra do que din os veciños que critican esta iniciativa. «Ou que se fixo foi acondicionar unha zona que estaba abandonada e cuberta de maleza para poder darlle un uso produtivo», afirma. «Eses terreos non estaban servindo para nada e agora que os alugamos á SAT Frontón producirán á parroquia un beneficio anual de preto de 12.000 euros», agrega.

Asemblea

A comunidade de montes celebrará a última hora de hoxe unha asemblea na que se debaterá a polémica cesión de terreos comunais á SAT Frontón. Na reunión tamén se votará a renovación da xunta xestora. «Nós fixemos algo que consideramos que é beneficioso para a parroquia, pero se na asemblea os veciños deciden que o que fixemos está mal feito, teremos que acatar ou que decida a maioría», apunta a este respecto Gerardo González.

Os veciños contrarios á cesión din que o acordo se tomou sen o coñecemento de moitos comuneiros e opinan que o proxecto carrexa danos ambientais e risco de contaminación das augas.

Fonte: La Voz de Galicia

Frontón, á espera dunha saída ao conflito do monte comunal
O proxecto gandeiro de Frontón continúa enfrontando aos veciños

Revolta comuneira en Frontón

Toca falar da Comunidade de Montes de Frontón (Pantón), na que presuntamente os directivos tamén pretendían facelo que-lles petase, aínda que alí os comuneiros optaron por pararlles os pes.

O conflito creouse ao asinar os directivos, agora cesados, unha cesión para un centro de recría, aínda que a noticia non di se pasou pola asemblea xeral ou non. Se non foi aprobada polos comuneiros, seria ilegal, xa que tiña que ser remitida á Xunta de Galicia, axuntando copia autentica da acta onde tomaran o acordo.

Os integrantes da xunta reitora cesada en ningún momento din que o sometesen, só falan de que están convencidos de que o proxecto está ben asentado, non corre perigo e que os veciños que se opoñen non terían nada que facer fronte a un contrato asinado con todas as da lei e con vinte anos de vixencia.

Así tamén dicían aquí un exdirectivos cando descubrimos que asinaran un documento ante notario onde se poñían como titulares do solar onde temos o local e despois de haber retirado das contas comunais 851.000 ptas para compralo, 200.000 para Rexistralo no seu nome, 9.000 en gastos de notario e máis de 25.000 para en dietas. Para nós os gastos, para eles o ben.

Retomando a noticia, a presidenta cree poder chegar a un acordo coa empresa aceptable para as dúas partes, aínda que di que lles terían que reabrilos camiños que lles pecharon. Agardo que teñan máis sorte que a que correron aquí uns comuneiros que viron como a directiva lles cortou a entrada  as súas propiedades, para facer un peche gandeiro, e así seguen.

Podo entender que calen ante o que está pasando ou que non queiran loitar polos bens comunais, pero que cedan ante ese atropelo, non o entendo. Lémbrolles que quen denunciou iso, incluso foi un comuneiro non afectado.

Toda información nestas ligazóns:
O Xulgado decidirá quen controla a xunta de Frontón
Un acordo a cambio de reabrir camiños que foron pechados