Négome a ser cómplice

Segundo o presidente da Organización Galega de Comunidade de Montes, asociación á que estamos adscritos, a Xunta de Galicia mediante a nova lei de montes: "Queren privatizar o monte, eliminar a súa xestión democrática a través das asembleas veciñais e entregalo ao tráfico comercial", argumentou o portavoz dos comuneiros galegos. Os comuneiros cren que a lei de montes pretende acabar coa propiedade veciñal.

Os meus coñecementos en Dereito son limitados, polo que nestes casos só tento trasladalo que leo na prensa. O que si sei, é que a nosa comunidade fai tempo que xa non se xestiona democraticamente a través das asembleas -á última celebrouse fai un ano-, e porque ultimamente, polo que me comunicaron algúns vogais, agora xa non contan nin con eles -este ano aínda non tiveron ningunha reunión e iso que cada dous meses é obrigatorio ter unha-, polo que non é nada descavillado asegurar que presuntamente os catro directivos fan e desfán ao seu antollo e o resto dos comuneiros, incluídos os vogais, a ve-las vir.

Así vemos na primeira foto, como se reparou esta pista sen que os vogais aprobasen nada, dous incluso souberon da súa reparación por medio de comuneiros. Que si estou en contra de que se reparen pistas ou se fagan cousas na comunidade? Por suposto que non, só me limito a dicilo mesmo que o presidente da Organización Galega de Comunidades de Montes: que a xestión democrática das comunidades faise a través das asembleas e se é o caso, a través da xunta reitora, composta polo presidente, vicepresidente, secretario, tesoureiro e os vogais que a compoñen en cada lexislatura... por certo, nesta, postos a dedo.

Postos a cometer presuntas ilegalidades, que menos que deixalas a medias. Non e normal que se repare a pista xusto hasta a entrada do peche gandeiro e uns metros máis adiante, non se limpen as cunetas ou se deixe o último tramo, da man de Deus.

Antes dixen: Pista sen saída, as incongruencias da directiva

A Organización Galega de Comunidades de Montes Veciñais en Man Común e o BNG están preocupados polo futuro desta figura territorial ante a estratexia de privatización que, segundo eles, está a levar a cabo a Xunta. Consideran que as ferramentas para facelo serán a futura Lei de Montes de Galicia e a posterior actualización da Lei de Montes Veciñais en Man Común.

Representantes da organización entrevistáronse coa deputada do BNG Tereixa Paz para transmitirlle os "puntos irrenunciables" cos que esta entidade está disposta a "dar a batalla" para evitar que prosperen os plans da Xunta. O presidente da entidade, Xosé Alfredo Pereira, advertiu que, se non se evita, os terreos terminarán servindo a "intereses urbanísticos e especulativos".

Pereira lamentou que se tenten eliminar as axudas dirixidas aos terreos e que se pretendan modificar as condicións para ser comuneiro, para o que bastaría "ter algunha relación co monte" sen necesidade de ser un veciño da zona. Isto podería dar lugar, por exemplo, a ter que recoñecer como comuneiro "a un propietario de muíños eólicos", segundo o seu presidente.

Fonte: El Pais