Rapa das Bestas en Baroña

A Comunidad de Montes de Baroña invita a tod@s a participar na Rapa das Bestas que se celebrará o luns 22 e martes 23 ao longo do día dende as 9 da maña.

Ubicación: Curro na ladeira do monte Enxa.

A desfrutar.

Gandeiros de Pontevedra suspenderán oito curros

Cabalo da Serra do Barbanza, na feira de San Marcos de Noia

Corren malos tempos para os curros e o que poder ser peor, para os cabalos salvaxes, se os políticos e os gandeiros non se sentan a falar para acadar un acordo digno para estes animais.

A celebración, entre maio e agosto, de oito curros en montes da provincia de Pontevedra está no aire. Se non hai marcha atrás, esas citas non se desenvolverán tras a negativa dos gandeiros a implantar o microchip aos cabalos salvaxes para a súa identificación, como esixe a Consellería do Medio Rural: ...

Sabucedo, á marxe do grupo
A suspensión de curros en Pontevedra -que se iniciará o 8 de maio na Valga (Oia)- non afectará a rapa de Sabucedo, na Estrada, a de maior repercusión. Os seus organizadores levan anos implantando o chip aos seus cabalos e ven rápaa como unha tradición.

Aquí sen embargo despois de "resucitalo" o ano pasado, o próximo fin de semana (sábado e domingo) volverase a celebralo Curro da Enxa no monte de Baroña.

Nesta imaxe amosando parte do que sabía facer

Quecendo motores... con dobre sentido

Despois dun paréntese de oito anos e tras un acordo coa comunidade de montes de Baroña  «propietaria dos terreos e das instalacións», Porto do Son volverá celebrar o curro dá Enxa esta fin de semana.

Será a novena rapa das bestas que cada verán volverá a renovalas tradicións ancestrais no monte dá Enxa, en Porto do Son. O curro interrompeuse fai oito anos polos enfrontamentos que se viviron por aquel entón entre a comunidade de monte e a asociación de gandeiros.

O sábado adicarase, pola mañá, a celebrar un concurso morfolóxico de estampa e beleza, rematando cunha monta salvaxe. O domingo, dende primeiras horas da mañá, baixaranse os cabalos ao curro, onde ás dez marcaranse e cortaráselle o pelo da crin e do rabo. Despois volverá a haber concursos e a partir das catro do serán, carreiras de cabalos e outros xogos.

Unha pequena mostra do que nos atoparemos, pódese ver estes días no peche que hai a carón do curro, onde unha manada de cabalos cos seus poldros trata de controla o mato.

Ao igual que para poder celebrarse de novo o curro, os gandeiros tiveron que chegar a un acordo coa comunidade de montes de Baroña, non creo que erre se afirmo que o aproveitamento neste peche foi aprobado pola asemblea xeral, e non como pasa na nosa, que volveron a meter animais nos peches sen que os comuneiros saibamos de quen son, quen o permitiu e que nos reporta.

Despois criticase por aí e no poño en dúbida, que a Xunta quere privatizalos montes, en Nebra fan e desfán ao seu antollo catro comuneiros, cedendo o uso das nosas instalación a xente que nin sequera é comuneira e isto non é a primeira vez que acontece: Favores na comunidade.

No caso de Baroña, tamén pode ser que os comprasen, tiñano en estudo, de aí a dobre marca. Pero sexan propios ou dun gandeiro, estou seguro que os comuneiros deron a súa aprobación, no suposto primeiro caso seria para compralos e no segundo, cesión dos terreos, tal e como reflicten os estatutos das comunidades de montes que estean adaptados á vixente Lei de Montes.

Cabalos nun peche de Baroña

Seis anos sen Curro

O 14 de febreiro publicaba fotos na lembranza, onde facía un percorrido sobre o que fora o Curro da Enxa, do que o pasado 29 de abril cumpríronse seis anos dende a súa desaparición: O goberno sonense revoga o permiso para a celebración da feira cabalar.

Vexan a gran diferenza que houbo entre o presidente da Comunidade de Montes de Baroña e o alcalde do Concello, que respectaron ás decisións dos comuneiros, e uns directivos, os de Nebra que sen ser aprobado pola asemblea xeral e moito menos sen o consentimento dos seus lexítimos propietarios, polo que pagan os seus impostos, lles expropiasen ilegalmente os seus agros, contando coa vil colaboración da anterior Consellería do Medio Rural e o seu covarde silencio administrativo. Ese foi o tema máis sangrante, pero houbo máis como lembrei noutras entradas: autorizalo pastoreo nos peches comunitarios; contratar peóns ilegalmente e sen seguro, é así un largo etc.

O señor Manuel (q.e.p.d.) podería te-los seus erros coma calquera ser humano, pero foi un presidente exemplar e de aí que baixo a súa presidencia e a colaboración especial da xente que o acompañou, lograse un gran recoñecemento pola súa labor aprol do monte e acadando algún premio. Foi máis que un presidente, porque aínda que nada tivese que ver coa labor que desempeñaba, sempre estaba disposto a colaborar con tódolos eventos que se celebraban na súa parroquia.

Logo de ler o informe xurídico emitido polo secretario municipal e de intentar, sen éxito, que as partes en conflito chegasen a un acordo, o alcalde de Porto do Son, Ramón Quintáns, viuse onte obrigado a revogar a licenza que autorizaba á asociación Curro dá Enxa a efectuar, mañá, unha feira cabalar nos terreos de Chans dá Raña, propiedade da comunidade de Baroña.
Quintáns Vila explicou que, segundo o ditame do secretario, o Concello non pode dar permiso para realizar a mostra equina, de carácter público, nun terreo privado se os seus donos, neste caso os comuneiros de Baroña, prohiben a utilización das súas leiras.
O alcalde considera que a exhibición cabalar de Chans de Raña é un acto cultural moi arraigado na comarca, pero recoñece que foi imposible chegar a un acordo e que prefire evitar que se produzan incidentes. Durante a reunión, o presidente dos comuneiros de Baroña explicoulle que a decisión de prohibir a festa tomouse en asemblea e que só este órgano pode cambiar o acordo.

Reunión
Sobre a posibilidade de que a exhibición poida realizarse máis adiante, o presidente dos comuneiros de Baroña, Manuel Tarrío, deixou a porta aberta. A directiva mantivo onte unha reunión extraordinaria na que expresou a súa disposición ao diálogo a condición de que exista un compromiso firme por parte dos gandeiros de cumprir os acordos.
Así mesmo, Manuel Tarrío expresou o seu agradecemento á Subdelegación do Goberno e ao executivo municipal por facer cumprir a lei.
Pola súa banda, o representante xurídico da entidade Curro dá Enxa, organizadora da feira, indicou que a asociación presentará unha denuncia contra a comunidade de Baroña por danos e prexuízos.
Os promotores da exhibición gastaran máis de doce mil euros na adquisición de comida e de trofeos para os gañadores das carreiras.

Fotos na lembranza

A finais do século e principios deste, celebrábase no incomparable marco dos Chans de Raña (Baroña-Porto do Son), o Curro da Enxa. Veciños e forasteiros achegabámonos para ver como dende o alto da Serra do Barbanza baixaban as manadas de cabalos que pastan ceibes na serra, guiadas polos xinetes para encerralos no curro e ver como os loitadores, os collían para raparlles a crin e o rabo.

Aínda que a desculpa era o espectáculo, o certo era que moitas familias da bisbarra aproveitabamos ese día para xuntarnos e dar boa conta da comida a esgalla que carrexabamos. Para os menos precavidos, a organización instalaba unha carpa onde servía pratos típicos: coma o polbo a feira, churrasco e carne ao caldeiro, todo regado con bo viño, café e para os que tiñan bo estómago, unha copa de caña (augardente).

Lamentablemente un desencontro dos propietarios do monte, a comunidade de montes de Baroña e os gandeiros, dou ao traste con este evento, que se non lembro mal ía camiño de acadar un recoñecemento turístico a nivel galego.

A calidade das fotos non é a desexable (o formato dixital non chegara aquí), danos unha pequena mostra do evento.