A Mancomunidade "secuestrada" polo ex-presidente

O 21 de marzo daba conta a hemeroteca de La Voz de Galicia de que hai 19 anos se constituíu a Mancomunidade de Montes da Serra do Barbanza. Destacan no último parágrafo: «incluso tuvo que ser reflotada en el 2007, pero a día de hoy mantiene su actividad». Poño en dúbida o de "actividade" xa que, a tenor dos feitos, está secuestrada por alguén que considera a política por riba do interese comunal, seguindo os pasos de quen a antecedeu no cargo.

O domingo 11 de marzo ás 11 da mañá no local da Comunidade de Xuño, citouse a tódalas comunidades membros da Mancomunidade á Asemblea Xeral Ordinaria, coa premisa de ser elixida unha nova xunta reitora dado que a presidenta en funcións (a vicepresidenta electa), non podía cubrir o compromiso e dedicación que, na súa opinión, o cargo require. A Asemblea non prosperou polas queixas dunha persoa que non debería estar presente ao non ser membro de ningunha directiva, ou, en todo caso, non ter nin voz nin voto.

Esa persoa era o ex-presidente, tanto da Comunidade de Nebra como da Mancomunidade, Santiago Suárez. Cando lle preguntei ao secretario de Nebra que facía nesa reunión, díxome que á súa chegada, xa estaba sentado á mesa e inquíreselle se tiña algún problema coa presenza de Santi na reunión, ao que alegou, que, como representante de Nebra non vai estar, se o queren eles alí é cousa deles.

Como xa comentei varias veces, dende que entrou a nova directiva de Nebra, en setembro do 2015, esta persoa non é máis ca un comuneiro "raso" e debería nese momento renunciar ao cargo que ostentaba, como pasou antes cos que deixaron de pertencer á directiva da súa Comunidade. Non quixeron o resto de reitores da Mancomunidade e permitíronlle facer o que quixese. Para eles era o representante de Nebra malia que, primeiro, ao momento de ser elixido en marzo de 2015 estaba coa cota 2014 sen pagar (indo en contra do que ditan os estatutos), e despois continuou sen pagar, deixando tamén a cota 2015. Estas débedas poñíanas agora ao cargo da nova directiva, que sempre mantivo que, se eles consideran a Santiago o seu "presidente", esas cotas son cousa del, pois beneficiouse do cargo sen cumprir coas esixencias legais. Para os seus compañeiros isto só era un tema persoal do secretario, sendo este o único que mantivo dende o primeiro momento que, facendo as cousas ben, a Mancomunidade é unha boa axuda para as Comunidades. E falo como asistente a unha desas reunións, que por min, tal como foi, estabamos fóra xa (e polo visto non fun o único en pensar así).

A parálise da Mancomunidade continuou varios meses, co susodito mantendo o cargo e facendo publicidade no xornal dos idearios do BNG en nome da Mancomunidade. Non sería ata marzo do 2017 cando, nunha reunión da Mancomunidade se di expresamente que Santiago (ausente) renuncia ao cargo a favor da vicepresidenta, e foi reflectido na acta, tal e como se dou conta na súa lectura en setembro do 2017. Nesa reunión de setembro déronse unha serie de prazos xa para a presentación de candidaturas e para as eleccións, que ían ser en xaneiro.

Non quero deixar de remarcar que, entre estas datas, denegóusenos unha subvención por débeda de cotas, cando en decembro 2016 se nos di que, pagando a cota 2016 podiamos optar a ela. Na reunión de marzo 2017, négasenos por non estar ao día (cotas 2014 e 2015), aplicándonos os estatutos á letra. E aí estamos coas contradicións cos estatutos, ata aquel momento seguían considerando presidente a un simple comuneiro e, por riba, unha Comunidade que aínda non era membro favorécese da subvención. Agora estamos coas cotas ao día e non queren tocar o tema.

Volvendo á reunión do 11 de marzo, o comunicado aos vogais de Nebra polo secretario foi:

«O ex-presidente Santiago Suárez alegou que vai impugnar a acta onde se dixo que renunciou á presidencia (..) e había mirar de impugnar a de hoxe por que non o convocaron debidamente, e que se segue considerando presidente, polo tanto, único que pode convocar e firmar actas.»

Na nosa Comunidade, mentres eu fun secretario, tampouco me asinaba as actas e tiña que andar encima del. Daquela o máis importante para el era corrixir as grallas ortográficas, non consideraba que fose necesario firmar, agora úsao de argumento para manter secuestrada a Mancomunidade.

O secretario non entrou en máis detalles do ocorrido. Comentoume á parte que a reunión transcorreu sen problemas e habendo boa sintonía entre as Comunidades presentes; pero pasados uns 20 minutos, chegando á hora da elección da directiva foi onde tomou palabra Santi para non considerar aos que se presentaban válidos para os cargos (case todos compañeiros da súa directiva) e aí comezou unha sarta de acusacións a todos os asistentes que lle dicían algo, levándose o resto das 2 horas que durou a Asemblea, e respondendo aos que o advertían do seu erro co habitual «porque o digas ti».

Remataba o secretario o informe da reunión así:

«A súa opinión non foi nin compartida nin ratificada polos asistentes, pero, para evitar problemas maiores, as eleccións faranse de acordo aos estatutos (orde do día, días de antelación, etc), considerando xa á vicepresidenta como responsable de dita convocatoria.»

Quen foi a toupa que lle avisou da Asemblea e fomentou que continúe esta parálise? El non usa WhatsApp (por onde se dan os avisos), a pesar de que o móbil co que se quedou e que collera a través da permanencia de liña da Comunidade si é compatible. Que pasaría se o secretario de Nebra dixera que non o quería alí cando llo preguntaron? Dirían que son temas persoais e asistiría igualmente? Marcharía para casa e hoxe estaría funcionando a Mancomunidade?

Cuscuta, ectoparásito do toxo

Co expresidente cos porcos a transparencia tamén brillou pola súa ausencia

http://www.campogalego.com D.G. - 28/03/2016: Dimite o presidente de Asoporcel ante as críticas pola falta de transparencia na xestión

Un grupo de criadores de Porco Celta denuncia a falta de transparencia na xestión de Asoporcel e esixen a celebración de eleccións cun censo de socios depurado.

Aínda que a dimisión deuse no ano 2016, aprovéitoa polo que paso a expor. Xa constituída esta xunta reitora, chegounos un requirimento onde se nos esixía o pago dunha indemnización a conto dos porcos que trouxeron en dúas partidas.

Aquí fixéronse dúas comedelas con eles nas que se pagou 15 euros por persoa (tanto comuneiros como foráneos) e na documentación da comunidade non existe contabilidade de ambos faustos.

Festas como se pode comprobar neste cartaz informativo, presuntamente puideron ser subvencionadas-financiadas por organismos públicos e incluso por Asoporcel salvo que usasen coma reclamo, os logos que se ven.

Tamén se venderon porcos a particulares e non hai recibos de cobro e tampouco aparecen como ingresos na contabilidade da comunidade. Mesmo houbo un paisano que mediante un WhatsApp enviado ao número que usaba o expresidente, que logro conservar, non asi o móbil por quedarse con el tal e como fixo o exsecretario, aínda que neste caso, quedouse co móbil e número. Por non haber nin hai constancia de que se asinase un contrato con Asoporcel.

E por riba cando foi do mitin que votou o BNG para as eleccións municipais a súa líder "vendeunos" a "burra" de que ese era o futuro do rural e das comunidades de montes.... polo carajo os meteu no monte de Caamaño cando estivo ao fronte de eles: "Consejos vendo que para mí no tengo".

Estes son os "negocios no que nos "embarcou" o señor Suárez, que segundo nos dixo, para evitar que votásemos saír de ORGACCMM que estabamos asesorados polo despacho de avogados Calixto excariz, xa se veu como botou man deses avogados cando denunciaron á comunidade polos danos causados polos porcos nunha propiedade. A outra escusa era que permanecendo podíamos falar con... "xente moi importante". Notáselle ás claras que moito de elas non aprendeu!!!

Baixo a etiqueta Asoporcel poden ver todo o que fun "debullando" sobre este tema neste blogue e no outro dedicado exclusivamente á Comunidade.

De que irá a experiencia para o monte do noso ex-presidente?

http://www.bng.gal/articulo/novas/bng-abre-portas-do-parlamento-debates-actuais-rachar-co-encorsetamento-da-camara-galega/20170504140020019981.html

12:15h Mesa de experiencias. Intervencións de representantes de

CMVMC do Barbanza: Santiago Suárez

CMVMC de Santa Cristina da Ramallosa (Baiona) Xosé Alfredo Pereira

CMVMC de Xinzo (Ponteareas): Carmen Boente

Ante a presenza do comuneiro de Nebra Santiago Suárez neste cartel da xornada informativa, como unha voz da experiencia, teño varias dúbidas que poñer na mesa:

 

- Supoño que non ha falar de como foi quen de poñer xente a traballar na Comunidade sen contrato e sen seguro... sorte houbo que non ocorresen desgrazas, se non pobre da Comunidade.

- Tamén supoño que non explicará como fixo para que desde a Consellería do Medio Rural abrisen esta pista forestal atravesando propiedades privadas sen aprobación da Asemblea Xeral (sumado a que nunca respectou este órgano de goberno).

- Haberá que estar expectantes para ver como explica o feito de que amigos seus, sen ser comuneiros, obtivesen máis privilexios que os propios comuneiros. Neses comuneiros tamén me inclúo ao non devolverme o que me corresponde (igual a como fixeron antes ca el xente do PP) polos gastos por recuperar para a Comunidade o solar onde se erixe o local.

Que sorte pode ter este alcalde comunista se lle sae ben a "xogada"

O alcalde de Oleiros abre unha colecta para pagar a indemnización á xuíza

O alcalde quere reunir así os 30.000 euros e anuncia unha iniciativa legislativa popular

En virtude das restricións legais para poder seguir lendo a nova deben pulsar: Aquí

Como xa teño escrito levo anos reclamando os gastos que me causou a Comunidade por recuperalo solar onde construímos o local da Comunidade, xa que cando se comprou por 851.0000 Conseguín facerme co documento «non se expuxera publicamente nunha asemblea» e abraiado descubro que era unha doazón encuberta a nome de 6 ex-reitores, que unha vez descuberto o amaño, de novo de costas aos comuneiros obrigaron  á vendedora a facer un novo documento, que como non podía ser doutra forma pagaron con fondos da comunidade. Todo isto feito ante un Notario que debeu sacalo título nun País do Terceiro Mundo. O que non é motivo de desculpa para os que aceptaron estampar a súa sinatura na doazón encuberta... será que en España hai moitas Infantas?

O malo foi que o xuíz, a pesar de que esa xente redactou na acta que se o documento estaba ben feito, correría pola súa conta facelo novo e deixaron correlo tempo até que fronte a el, non se lles ocorreu outra cousa que botarlle a culpa ao Notario, porque como non tiña idea de como pecharan o negocio coa vendedora, non foi denunciado, xa que xunto con outro comuneiro a súa versión era outra. En resumen que por achantarse á demanda o xuíz, perdooulles as costas, impoñéndolle unha 7ª parte á vendedora, por non presentarse.

Vamos que alguén tenta roubar algo e a única forma de devolvelo é porque os denuncian, para a xustiza é un eximente, cando antes tiveron un par de anos para regulalo documento. Entón porque hai xente que por pequenos furtos cando estaban enganchados á droga, unha vez rehabilitados e incluso con familia tiveron que entrar na cadea? Temos o caso moi recente de esta nai: A muller foi condenada a un ano e nove meses por falsidade e a outros seis meses por estafa.

Como se pode comprar un ben con fondos de tódolos comuneiros e poñelo solo a nome de eles e de varias das súa xeracións, e que neste caso se librasen, a pesar de constar en actas que en todo momento estiveron asesorados por un avogado, que foi o mesmo que defendeu a 5 contra min?

No seu día, coincidindo con novos reitores na Comunidade da cor política e rama familiar de esa xente, casualmente acudiron a ese mesmo avogado, para dicirme canto é o que segundo ambos teño dereito a cobrar, mentres eles por non facer nada, como xa tiñan acceso directo a fondos da comunidade, cobraron dietas....por tocarse simplemente os güevos... así de claro!!!

E para rematala a pesar da promesa de regular dita situación o derradeiro ex-presidente nunha asemblea da xunta reitora, prométeme o pago... obrigándome uns meses despois a abandonala secretaria, agora coñecéndoo ben, non me estraña, porque nun tema privado deume ben, a sensación do paxaro que é. Algo que un ex-compañeiro ten constancia nunha reunión que tivemos no Portofino, porque xa lle cheiraba o asunto e non era menos tratándose de 2 porcos.

Uns e outros nesta entrada neste outro blogue demostran ás claras o que son a pesar de militar en partidos tan antagonistas.

Eu desde logo aínda cobrando un subsidio por incapacidade, xamais se me pasaría pola cabeza, facer o esperpento de estes alcalde cabeza, ou como eles facer desaparecer ou quedarme con móbiles.

Quero supoñer que estes non lle deron ren: Oleiros advirte por última vez a 404 veciños de que lles embargará bens si non pagan os seus impostos

Nota: a foto do encabezamento vai un pouco con retranca.

Xuntanza do BNG de Porto do Son coas Comunidades de Montes

O Bloque Nacionalista Galego de O Son, celebrou no día de onte unha reunión coas Comunidades de Montes e a Mancomunidade de Montes Serra do Barbanza que organizou na Casa de Cultura de Porto do Son, para tratar asuntos referente ao monte á que asistiu como invitada Rosana Pérez.

Sempre e cando ese dereito non o recorte a xente do seu partido, aí están

O BNG comprométese a seguir defendendo os dereitos das persoas...

Na xuntanza estiveron alén doutras persoas e organizacións, membros da plataforma Stop-Desafiuzamentos da Barbanza, a presidenta do Colexio Oficial de Traballadores Sociais de Galiza Marta Capeáns, a deputada de benestar social e igualdade do goberno da Deputación da Coruña, Ánxela Franco e os edís do BNG Ribeira Pilar Sampedro Laranga e Antón Parada Fernández.

Agora que Ánxela ten un posto de tanta responsabilidade, que por méritos non o conseguiu, pediríalle que fose consecuente cos membros da plataforma Stop-Desafiuzamentos da Barbanza, e lles explicase como xunto co seu partido me vendeu, por non ter o pedigree do señor Suárez? que tan ben a deixou quedar en Nebra, algo que se confirmou coas risas «seguro que aínda as lembras» no mitin das pasadas eleccións e logo nas urnas, por negarnos o DEREITO de poder celebrar asembleas durante estes DOUS últimos anos. Tamén debería mencionar aos seus compañeiros da Asemblea Local de Ribeira, mais estou seguro que xa están de volta e media.

Porén o que me move a escribir esta entrada non é que levemos 2 anos sen asembleas, diso xa teño escrito abondo, sen moito éxito. A xente xa se «aclimatou» e en Nebra hai pouca memoria.

Alguén que no seu día por querer alcanzar a alcaldía, preferiu calar e mirar para outro lado, cando o seu colega e presidente da comunidade xunto co seu curmá o exconcelleiro de Medio Rural nos DEZAFIUZARON esta propiedade para chantarnos esa pista que non foi aprobada pola Xunta Reitora, nin pola Asemblea Xeral, coido que sexa a persoa máis indicada para xuntarse co citado colectivo. Con eses antecedentes, para min é como poñer a raposa ao coidado das galiñas.

Un dezafiuzamento guste ou non guste, se está avalado por unha sentenza é legal, un «ROUBO», coma o que nos fixeron a nós, XAMAIS, o único camiño que tiñan os Suárez era recorrer á vía expropiadora, claro que neste caso tíñannos que indemnizar e así saíulles gratis. Sabían que de preitear, aínda gañando perderiamos cartos por iso actuaron tan rastreiramente.

É esa a DEMOCRACIA que nos ten reservada o BNG? Onde están para Ánxela os meus DEREITOS?

Canto tempo vamos a seguir aturando isto?

Ano e medio sen celebrar unha Asemblea, sen darnos contas de onde e como se gastaron os NOSOS CARTOS, e seguimos sen aprobalo censo.

O cargo de presidente expira aos catro anos e este vai camiño dos cinco.

A Xunta Reitora ten que xuntarse cada 2 meses e por riba algúns vogais xa non lembran cando foi á última vez que os convocaron.

Cada aldea ten dereito a ter un vogal, e de pasar a ter dous ou tres algunhas, agora son varias as que non teñen ningún.

O asunto dos porcos parecese ao conto da leiteira.

Danlle 80 Has., a uns gandeiros e non sabemos a cambio de que. O que si se sabe é que os volveron a enfrontar entre eles, en prexuízo da comunidade.

Oxalá o equivocado fose eu, mais son moitos os que pensan igual, o que pasa é que non queren ser sinalados polo dedo, por criticalo que pasa abertamente.

Estatisticamente sen local celebramos máis asembleas á intemperie, con choiva e vento que agora con el.

Alguén lembra que nos tomasen o pelo desta maneira?

noventa e nove anos despois, onde vai o espírito daquela xente da Liga Agraria de Nebra que non só loitou por defendelo seu, se non o de moitos veciños da parroquia e do Concello, que o presidente e o seu partido veñen a aldraxar?

Feliz Aninovo e oxalá houbese xente con máis sentido común que puxese un pouco máis de cordura neste 2015, porque somos a chota entre o resto de comunidades e non só do Barbanza, se non de Galicia enteira.

Era visto: Facendo política dende a presidencia da ORGACCMM

Señor Xosé Alfredo Pérez Martínez, sinto ser tan claro, mais aplíquese o dito: «zapateiro aos teus zapatos». Notase que vostede non sufriu a cacicada e roubo que sufrimos na nosa familia por parte do BNG, tralo seu paso pola Xunta «que tan ben coñece aínda que nunca se mollase. Outra cousa seria que fose o PP, verdade?», se non, non faría a defensa acérrima que fai, nin tan sequera pediría o voto para eles, e incluso non os votaría, como leva facendo a miña familia i eu desde o 2007.

A nivel persoal é moi libre de pedilo voto para o «seu partido», porén dáse a casualidade que vostede non é un comuneiro calquera, se non que é o presidente de moitos e como tal, dende a súa posición e dende a ORGACCMM, ten que respectar tódalas alternativas políticas que teñamos os comuneiros.

Algo que me propuxen cando fun elixido secretario da Comunidade é que ao contrario do que aconteceu con outros directivos que me precederon, é que seria o secretario da Comunidade, non do BNG, de aí que ollando que o presidente facía o mesmo que fixo algunha xente do PP, e que o partido ollaba con bos ollos, foi polo que non me custou nada botarme fora do partido e da secretaría.

Nin antes Nebra era un coto exclusivo do PP, nin cando entramos nós tiña que ser do BNG, polo que ante a decisión tan determinante que tomei, deixei a moitos descompostos e sen argumentos para poder atacarme, e máis cando comprobaron que renunciei a certas prebendas que non entenderon.

Terra e Tempo: II Encontro Europeo: Montes Veciñais - Desenvolvemento Rural

(...) O II Encontro Europeo, Montes Veciñais - Desenvolvemento Rural, tamén se celebra noutro contexto, neste caso por pura casualidade. A campaña electoral para as eleccións o Parlamento Europeo. Este contexto tamén debe supor un reforzamento da defensa das titularidades comunitarias. Neste senso, a Asemblea Xeral da ORGACCMM, celebrada o pasado 8 de Febreiro, aprobou, por unanimidade, unha resolución para solicitar dos grupos políticos, que nos seus programas electorais, incluísen o recoñecemento, nas lexislacións galegas, estatais e europeas, dos montes veciñais como unha titularidade máis e distinta.

O único grupo político que respondeu a esta solicitude, e respondeu positivamente, foi o BNG. Mais é de xustiza recoñecer que esta, non é unha postura electoralista. A praxe política do BNG, tanto na oposición, como no goberno, ao respecto do monte veciñal, foi sempre a mesma, a defensa de esta titularidade comunitaria e favorecer que a veciñanza comuneira, fose a protagonista da súa posta en valor. Nestes momentos, nos que parece que se está a por de moda artigos no sentido de "eu voto por" ou "eu non voto por", eu, como galego e como veciño comuneiro digo que nas vindeiras eleccións ao Parlamento Europeo, votarei BNG. E, entendo que a veciñanza comuneira compre que lea os programas electorais, compare a praxe política dos partidos, e logo, vote en consecuencia.
Porque, no que fai respecto os montes veciñais, a pouco que se escarve nos programas electorais, e se compara a praxe política dos partidos, tamén se comproba que non todos os grupos políticos son iguais.

Efectivamente, non tódolos grupos políticos son iguais, porque por moito que busquei nas hemerotecas, non atopei, salvo na Ditadura, semellante roubo coma o que nos infrinxiu o BNG.

Cal será diferenza en que a Xunta do PP, presuntamente tente roubarnos o monte, e o que nos roubou a nós o bipartito (PSOE-BNG)?

Pregunta dirixida aos membros da Organización Galega de Comunidades de Montes, entre eles, ao noso presidente que de xeito irregular ocupa dito cargo desde o ano pasado.

É raro que NUNCA se pronunciaran, como si fixeron noutros casos a pesar de remitirlles no seu día varios correos. Manterían o mesmo SILENCIO, se este roubo no lo inflixise o PP? Cal é a diferenza?

No ámbito privado son moitos os comuneiros e incluso vogais, que opinan que o monte debería pasar a mans da Xunta. A miña postura dende logo é a contraria, mais enténdoos, porque nunca tivemos uns reitores exemplares na comunidade, e nestes intres está «secuestrada» polos actuais.

Faro de Vigo: Os comuneiros alertan de ´movementos´ para que o monte veciñal acabe en mans privadas

A Xunta de Galicia pretende acabar coa propiedade veciñal dos montes en mancomún, para entregalos a xestores privados. Denúnciao a Organización Galega de Comunidades de Montes e pon como exemplo a recente reapertura do expediente de recalificación dos montes de Noalla, resolta por sentenza fai dez anos en beneficio dos veciños desta parroquia de Sanxenxo. O presidente da organización, Xosé Alfredo Pereira e o titular da Mancomunidade de Castrove-O Salnés e da Comunidade de Montes de Combarro, Claudio Quintillán, afirmaron onte que a Administración autonómica "dispara á liña de flotación" das comunidades de montes, con reformas normativas que teñen como propósito acabar con esta institución histórica.

O obxectivo é -afirman Pereira e Quintillán- favorecer actividades especulativas, como as plantas de biomasa ou a plantación de determinadas especies "máis produtivas", fronte ao traballo de recuperación do bosque tradicional e a posta en valor dos seus recursos, polo que apostan as comunidades de montes asociadas a esta organización.

Os seus portavoces foron claros ao denunciar os movementos que se están producindo en determinados sectores privados, co amparo da Administración autonómica, para "cambiar de mans" o monte veciñal. E neste sentido apuntaron o caso "insólito" dos montes de Noalla, en Sanxenxo, reclamados novamente polo Concello do Grove, cando a cuestión fora resolta polo Xurado Provincial de Montes, que depende da consellería. "Abre un perigoso precedente; moitas outras comunidades con lindes poucos claros poderían ser cuestionadas e a súa titularidade veciñal posta en perigo", advertiu o portavoz da organización de comuneiros.

Eleccións europeas

Ante esta situación, a asemblea da Organización Galega de Comunidades de Montes acordou na súa reunión do pasado día 9, en Lugo, instar a todos os partidos políticos galegos a incluír nos seus programas electorais a defensa do monte comunal, a través dunha lexislación específica que garanta a súa titularidade veciñal. O BNG xa respondeu positivamente a este requirimento. "Esperemos que o resto de partidos políticos galegos sexan sensibles a esta demanda, que supón a defensa dunha dos acenos de identidade deste país", apuntou Pereira. Unhas 250.000 hectáreas de monte comunal en Galicia podería pasar a mans privadas, alertou.

Diario de Pontevedra: As Comunidades de Montes acusan á Xunta de querer roubarlles os seus terreos

Representantes da Organización galega de Comunidades de Montes denuncian que a Xunta de Galicia está a adoptar medidas que van en contra da figura do monte veciñal coa intención de beneficiar ás empresas forestais privadas, o que consideran un "roubo".

O presidente da Organización Galega de Comunidades de Montes, Xosé Alfredo Pereira, afirmou que a Xunta persegue retirar aos veciños a súa responsabilidade histórica sobre a xestión destes bens naturais.

Entre outros argumentos, explican que a función pública que cumpren as comunidades de montes en moitas zonas de Galicia está limitada pola nova lexislación que establece que esas entidades deben destinar a investimentos en plans de mellora o 40 por cento dos seus ingresos. Isto suporá unha rebaixa outro tipo de achegas nas zonas rurais, onde as comunidades de montes suplen a ausencia de investimentos por parte das administracións públicas.

O presidente da Organización Galega de Comunidades de Montes criticou esta obrigatoriedade que impón a Lei de Montes de Galicia de 2012, porque non distingue as singularidades dalgunhas comunidades, en canto a ingresos, xa que algunhas recadan fondos coa venda de madeira, mentres que outras teñen explotacións mineiras ou parques eólicos.

Ademais, desde esta organización, instan os grupos políticos galegos que trasladen aos foros da Unión Europea o recoñecemento á propiedade veciñal dos montes galegos ante o temor de que desde a administración autonómica póidase terminar por trasladar 250.000 hectáreas de terreos á xestión privada.

Segundo denunciou Xosé Alfredo Pereira, están a desenvolverse situacións tan insólitas como que o Xurado provincial de Montes de Pontevedra volveu a iniciar o expediente relacionado coa Comunidade de Montes de Noalla a petición do Concello do Grove despois de que hai dez anos unha sentenza declarase eses terreos como propiedade dos veciños da parroquia de Sanxenxo.

Desde as Comunidades de Montes consideran que esta decisión senta un precedente moi perigoso e, segundo José Alfredo Pereira, puiden supor o "roubo do monte veciñal". En concreto, cre que así se busca favorecer determinadas actividades especulativas relacionadas con biomasa ou plantación de determinadas especies arbóreas.

A xuízo da Organización Galega de Comunidades de Montes, "esta Xunta ten como obxectivo terminar con este tipo de propiedade".

A política na pista de Nebra á Graña

Como xa é a segunda vez que nun debate sobre a política do Concello sae a relucir unha pista de Nebra que Manuel Tomé presuntamente se negou a que se asfaltase e onte no mitin do BNG, na casa de cultura, volvín a escoitar a mesma "canción", convén poñelos en antecedentes e que cada un saque a súas propias conclusións, porque non se pode tirala pedra e agochala man.

Esta "historia" comezou aos poucos meses de tomar posesión coma secretario da comunidade, concretamente cando se me fai entrega diversa documentación entre a que se atopaba o Plan Hidrolóxico deseñado pola Xunta de Galicia o ano 2003.

Este plan foi froito do primeiro intento serio de conciliar as comunidades de montes e os gandeiros, para que rematasen dunha vez os conflitos latentes no Barbanza. Para ilo Nebra cedeu a parte máis alta do noso monte para uso exclusivo gandeiro, delimitado por un peche que sufragaría integramente a Xunta, evitándose así, que no sucesivo as plantacións comunais é as propiedades privadas se visen arrasadas polos animais.

Non era de recibo que mentres as comunidades recibíamos subvencións para repoboalos montes, os gandeiros recibíanas polo gando que no las comía. Plantacións que de novo repoñíamos con novas subvencións e volta a comezar... era a pescada que se morde o rabo.

Como se pode comprobar nos documentos que adxunto, outra das actuacións a levar a cabo na comunidade era reparar por enésima vez a pista de Resúa a Graña, e aquí é onde comeza a historia, polo que teño que entoar un mea culpa, xa que en parte son culpable de que neses debates se falase do tema. Pero a diferenza doutros, o único interese que me moveu a facer iso era o ben común, en ningún momento o fixen para verme favorecido de rebote. Non debo dicir quen, porque como non esta gravado seguramente atoparíame sen testemuñas, e non quero que me pase como cando recollín en acta unhas verbas contra os veciños de Resúa e despois os compañeiros foron a desmentilas, incluso acompañados por unha testemuña quen nin comuneiro era e por suposto, no estivera na asemblea. Menos mal, que como nesa época xa se gravaban as asembleas,  os veciños puideron comprobar que o que reflectía a acta, era nin máis nin menos o que estaban escoitando na gravación. Logo si, viñeron as desculpas e que era un xeito de interpretalas cousas, pero se non fose por esa gravación, quen quedaba co cu ao aire, ante os veciños que me viron nacer, era eu.

Como ben digo, por ser nativo de Nebra e porque coñezo o noso monte perfectamente despois de patealo centos de veces dende pequeno de Nebra á Graña e viceversa, perdín a conta das veces que se reparou esa pista, porque ten dúas eivas: fortes pendentes e colle demasiadas correntadas. A última reparación acometera curiosamente a directiva que asinara o acordo e aínda que agora se ía dotar de máis aliviadoiros, na miña apreciación parecíame que era tirar de novo os cartos, por iso comentei coa xunta reitora buscala forma de renegociar ese proxecto coa Xunta, para dotala de aglomerado. Entendendo que deste modo duraría moitos máis.

Para elo invitamos a un funcionario da Xunta para que comprobase insitu, a miña proposta, xa que dende os despachos, non se ven tan ben os problemas. É o mesmo que asina este escrito, que me foi entregado polo presidente no Bar Universal e amosado tamén a un edil do PP, que neses intres se encontraba alí. Entre as causas polas que recomenda o asfaltado o funcionario comete un erro, supoño que inducido, porque era falso que esa pista fose: frecuentada diariamente (...) incluso por pais que levan ós nenos á escola.

Dende Medio Rural pedíusenos que falásemos co alcalde (Ramón Quintáns Vila) para que o Concello aportase a metade do presuposto. Mantivemos varias reunións con el e sempre nos expuxo o seu razoado punto de vista, que non podía poñerse a asfaltar unha pista forestal, cando moitos veciños do Concello e de Nebra, aínda non dispoñían de accesos asfaltados á casa. Por medio de Google Eart, mostrounos a infinidade de pistas que por mor da parcelaria, ten agora Nebra e as do resto do Concello.

Ao mesmo tempo que falabamos con Quintáns, tamén o facíamos cun representante político de Medio Rural, e nunha ocasión, díxonos que medísemos o largo da pista e que falásemos con unha empresa para que nos fixese un presuposto aproximado do que custaría. Aínda que a resposta final sempre era a mesma, que o Concello tiña que implicarse, porque na Consellería non había cartos. Non lembro exactamente aquel presuposto, pero nin remotamente se aproximaba a cantidade que se menciona agora.

Naquel intre o escrito non "afrouxou" o peto da Consellería e meses despois, estando aínda na directiva, pero lonxe de Nebra por motivos laborais, trouxeron á Delegada de Medio Rural para intentar "convencela" mediante "bailen" que presuntamente lle pegaron pola pista. Despois veu a miña expulsión e non souben nada máis, hasta que nunha entrevista no Concello con Manuel Tomé, a raíz da publicación da noticia que enlazo abaixo, comentoume que neste asunto se había enganado á Delegada dicíndolle que a pista era de uso diario polos rapaces da escola (vexase o anterior escrito) e que ela presuntamente descoñecía ese dato. Insisto, iso era falso e quen llo dixo ao funcionario e a Delegada, sabíao perfectamente. Aínda non fora de uso preferente cando fai máis de 30 anos, as rapazas das aldeas de A Graña, Balteiro, Noceda e Sabuceda viñan á Escola da Tarela en Porto do Son, porque baixaban e baixabamos andando polo antigo camiño.

Máis ou menos estas son as verbas que extraio da alcaldable do BNG: "Só para facer un inciso, houbo cousas tan irrisorias como vir douscentos e pico de mil euros para o asfaltado dunha pista, e no pleno non querelo simplemente porque tiñan que recollela obra... recollela e mantela despois. Se a alguén de nós nos regalan un piso e non no quere porque dentro de cinco anos o ten que pintar". De todo isto hai algo que non entendo, se se levou a pleno, como un goberno en minoría puido rechazala?

O máis normal, para min, por economizar, era non fundir aquel primeiro presuposto en tirar centos de camións de xabre, para despois pensalo de novo e querer asfaltala. Se se asfaltase nun principio, xa non facía falta o xabre, pola propia estrutura do terreo e porque chegaría só coa grava. Os políticos como teñen outras miras, cantos máis gastos, presuntamente máis comisións. A anécdota é que mentres estaba un goberno "amigo" no Concello non había cartos e logo, si. A política tenvos destas cousas.

Populares y socialistas sonenses achacan a intereses ocultos el asfaltado de una pista forestal en Nebra

O que me parece máis rechamante e que mentres se amosa tanta preocupación por esa pista, doutras pasase olimpicamente. Pola citada hoxe se pode circular perfectamente con un utilitario, por esta, con serias dificultades con unha motobomba.

Habendo interese, pódense facer ben as cousas

Con motivo do uso partidista que se fixo «ao meu entender» nas pasadas eleccións autonómicas do local da Comunidade de Montes e que motivou a miña queixa e a doutro comuneiro nunha asemblea, descoñezo cales son de novo as causas polas que dende a Xunta Reitora non se comunicou ó Concello, a posibilidade de cedelo en igualdade de condicións a tódolos partidos políticos para os seus actos de campaña electoral. Insisto, o local é de tódolos comuneiros e comuneiras, non do presidente de quenda.

Agora xa é imposible que en aplicación dos estatutos poidamos «cedelo legalmente» e porque xa que rematou o prazo legal que a Xunta Electoral dou aos concellos para que-lles remitisen o listado dos locais propostos.
Artigo 8º.- Corresponde á asemblea xeral.
- Aprobar o outorgamento de cesións, arrendamentos, plans de aproveitamento e toda clase de contratos con terceiros.

Asáltame unha dúbida, se se fai un acto, que estou seguro que vaia a acontecer, no suposto caso de que haxa algún contra-tempo dentro do local ou nos seus arredores, quen vai se-lo responsable civil subsidiario?, se os comuneiros non o cedemos.

Xunta Electoral Zona Noia

El Secretario de la Junta Electoral de Zona de Noia, José Manuel Vaamonde Fernández, por medio del presente DOY FE Y CERTIFICO:

Que por parte de los Excmos. Ayuntamientos comprendidos dentro del ámbito de esta Junta Electoral de Zona de Noia, han remitido la relación de locales oficiales y lugares públicos para la realización de actos de campaña electoral, siendo los mismos los que a continuación se indican:

Concello de Porto do Son
Locais oficiais e lugares públicos que se reservan para a realización gratuíta de actos de campaña electoral:
-Salón da Casa da Cultura de Portosin, agás o 17 de maio.
- Casa da Cultura de Porto do Son, agás o 13 de maio.
- Casa da Cultura de Queiruga.
- Casa da Cultura de San Pedro.
- Casa da Cultura de Baroña.
- Casa da Cultura de Miñortos.
- Casa da Cultura de Ribasieira.
- Casa da Cultura de Caamaño.
Horario: Todos os días de 16 a 24 horas, salvo as excepcións aludidas.

- Praza do Porto en Portosin.
- Praza de España na Vila.
Horario: Todos os días sen límite de horario

Se nos desprazamos á provincia de Pontevedra, podemos ollar como se relacionan locais pertencentes a comunidades de montes.

Xunta Electoral Zona Pontevedra

Dª Casilda Suárez Berea, Presidente da Xunta Electoral de Zona de Pontevedra.
Fai saber: Que en cumprimento do disposto no artigo 57.2 da Lei Orgánica 5/1985 do Réxime Electoral Xeral, en relación co Decreto 42/2011, de 28 de marzo, de convocatoria de Eleccións Locais, exponse a relación de locais e lugares públicos que se reservan para a realización gratuíta de actos de campaña electoral, según proposta dos respectivos Concellos dependentes desta Xunta Electoral de Zona, así como os lugares gratuítos de fixación da publicidade electoral, que son os seguintes:

Salón de Actos do Local Social Da Comunidade de Montes Rega dos Agros, en Rúa Maceira, da parroquia de Combarro.
Salón de actos do local social da Comunidades de Montes de Rega do Can, en Tarrio da Parroquia de Samieira.

No caso da colocación da propaganda, déixao a expensas das autorizacións expresas.

Lugares para a colocación de propaganda electoral:
I.E.S.: (Sempre que o autorice a dirección do centro ou a administración educativa competente) Sánchez Cantón, A Xunqueira II e Torrente Ballester.
C.E.I.P.: (Sempre que o autorice a dirección do centro ou a administración educativa competente) Froebel, Alvarez Limeses, Campolongo, Barcelos, Igrexa-Salcedo, Cabanas Salcedo, Villaverde-Mourente, San Bieito-Lérez, Marcón, Carballeira-Lourizán,Verducido.

E se nos paramos en Lugo, isto.

Xunta Electoral Zona Lugo

Justino Gonzalo Corchero Martín, Secretario de la Junta Electoral de Zona de Lugo, doy fe y certifico que los Ayuntamientos correspondientes a esta Junta Electoral de Zona han facilitado la siguiente relación de locales para la celebración de actos electorales durante la campaña para las elecciones locales a celebrar con fecha 22 de mayo de 2011:

Pertenecientes al Ayuntamiento de Lugo «páxina 5 e 6»:
Pertenecientes a personas o entidades privadas. «o noso caso»
- Ninguno, por no existir la conformidad de los propietarios.

Parroquia de Cangas.
-Centro Cívico de la Agrupación Deportivo-Cultural "Os Castros", previa confirmación tfno...

Las condiciones de uso generales de todos los locales se ajustaran a las siguientes normas:..

Pillase antes a un mentireiro, que a un coxo

Donde dije digo, digo Diego

Qué seria isto?

De vez en cando algún comuneiro pregúntame como é posible que estee ao tanto das novas relacionadas coas comunidades de montes e sobre todo, con temas que pasaron fai tempo. Xa o teño comentado, pero non teño inconveniente en explicalo de novo.

Tódolos días recibo no correo electrónico: As Novas do Día que a Organización Galega de Comunidades (en adiante ORGACCMM) ten a ben reenviar ás comunidades de montes e aos comuneiros que-lles pasamos a dirección. A maiores esta información tamén se pode ollar con solo visitala súa web.

Ademais de envialas novas que se producen cada día, é unha hemeroteca, xa que enlaza noticias que se produciron anos atrás. É así de sinxelo como estou ao tanto de todo isto, ademais de recibir información doutras comunidades ou de comuneiros que vamos por "libre".

Hai un pero, esta hemeroteca só conserva os datos de cada día, polo que maña os datos de hoxe xa non se poderán ver.

Fai tempo que tiña en mente explicalo, pero aproveito para facelo e así poder comentar algúns datos que hoxe me pareceron sumamente clarificadores.

UNHA PERSPECTIVA: DÍXOSE ONTE... 11_Marzo_do_2.002:

11_Marzo_do_2.003: Medio Ambiente tendrá este año el anteproyecto de Lei de Montes

Oito anos despois aínda non se aprobou a nova Lei de Montes ou o que é o mesmo, pasaron dúas lexislaturas, aínda que a súa suma sexa compartida por tres gobernos na Xunta e todos pecaron do mesmo... incompetencia. Xa se sabe que as cousas de palacio van despacio, pero tanto?.

11_Marzo_do_2.004: Asemblea Ordinaria do 2.004 da ORGACCMM

11_Marzo_do_2.005: ENCOL DE ENCE E OS EUCALITOS (é para os máis vellos e pensen nas paisaxes da súa nenez): PAISAXE E CULTURA, Por Xesús López Fernández (artigo escrito no ano 2.000)

11_Marzo_do_2.006: Diferencia para as CMVMC na fiscalidade actual e na do novo PROXECTO … En quente: o monte, qué casualidade, arreguizouse e pareu o cu dun rato. Ao PsDEg-PsoE e mailo Bng (as maiúsculas e minúsculas saíron dese xeito): Ónde están as verbas de cando eran oposición?, ónde o cumprimento dos programas electorais?

Este novo imposto como lembraran debémosllo ao goberno do señor Aznar... pero na miña humilde opinión tamén aos do señor Zapatero, porque cando estaban na oposición e ante a presión social que houbo, prometeran abolilo, seguramente pensando máis nos seus propios intereses.

A ORGACCMM convocara varias manifestacións contra del, manifestacións ás que se sumaron os sindicatos e o PSdeG-PSOE e BNG, pero xa ven o que opinaba a organización do seu "esquecemento" cando xuntos gobernaron na Xunta.

Este imposto debería afectar só ás comunidades que reparten fondos entre os comuneiros, pero non ás que se dedican a crear emprego, investilos no monte ou a facer obras sociais, que na maioría de casos son competencias dos concellos.

Sen saír de O Son, non é o mesmo aplicarllo a unha comunidade como é a de Baroña, que fai todo iso ou á nosa, que no seu día repartiu máis de 50 millóns das antigas pesetas (300.506,05 euros). Quizais fose iso que Baroña acudía ás manifestacións e por Nebra, só eu. Iso si, agora algúns apúntanse ao "bombardeo" sen ton nin son.

11_Marzo_do_2.007: 11.3.2007 Un proxecto incita a recuperar o cultivo da oliveira en Valdeorras

11_Marzo_do_2.008: 11.3.2008 CMVMC Mones e Sampaio (Petín): «Se non facemos nada, a aldea de Mones desaparecerá»

11_Marzo_do_2.009: 11.03.2009 CMVMC Vilaboa (Vilaboa): Rechazo unánime a la idea de que Defensa adquiera suelo del perímetro de la Brilat

11_Marzo_do_2.010: 11.3.2010 CMVMC Aldán (Cangas): O xuíz abre a posibilidade de que os veciños de Aldán reclamen o monte a Promalar, Geriatros e o Concello

Adxudicacións dixitais

Tal e como veño denunciando, as adxudicacións a dedo xa non son tan exclusivas da dereita máis rancia por moito que dende algúns colectivos así no lo intenten facer ver.
Tal é como dixera fai uns días aquí, a xunta reitora ademais de facer unha adxudicación ilegalmente ao non ter autorización legal da comunidade para adxudicar obras cun custo superior aos doce mil euros, fíxoo a dedo.

Pois ben, curiosamente hoxe atópome na prensa con isto.

Desde o BNG critican tamén o gasto de case 70.000 euros para este reemisor de TDT «nunha instalación para a que existen axudas públicas que nin sequera solicitaron». Ademais, din que a empresa que colocou o reemisor foi «contratada a dedo».

Eu xa non vou a tanto, xa que descoñezo se para os dous accesos ao local que poden ollar nas fotos e que supostamente custaron 19.090,00 €, nos poderíamos acoller a algún tipo de subvención ou axuda, aínda que si me ven unha cousa á memoria.

Cando se fixo a cesión ao Concello para o Punto Limpo, antes de pedila reparación das pasarelas da Aguiera, que non sei a quen se-lle ocorreu e que non só daba servizo aos veciños de Nebra, eu solicitaría esta contraprestación que favorecería máis os intereses da Comunidade, xa que esa obra por Lei era competencia do Concello, de Costas ou da Xunta de Galicia.

Iso si, tan censurable e denunciable é a suposta adxudicación a dedo no Concello de Ribeira coma na nosa Comunidade, onde como saberán, o seu alcalde e o noso presidente militan en partidos supostamente ben diferentes, ou non?

Acta 29 de novembro de 2009

Acta da asemblea xeral da C.M.V.M.V de Nebra celebrada o 29 de novembro de 2009
A orde do día para esta asemblea é:
1. Lectura e aprobación, se procede, da acta anterior.
2. Informe dos traballos a realizar no monte con persoas contratadas na parroquia e aprobación, se procede.
3. Renovación da autorización á directiva para solicitar subvencións.
4. Solicitude para renovaren e reubicaren a arqueta da auga en Queiro, e aprobación, se procede.
5. Informes varios (punto limpo, parcelaria, documentación, etc.)
6. Propostas e preguntas.

Saúda o presidente e comenta que estamos facendo as xestións para que no prazo máis breve posible podamos dar de alta o Local Veciñal: por ese motivo, no final da asemblea, tomaremos todos xuntos uns pinchos.

Despois de lida a acta, pregúntaselles aos asistentes se están de acordo no que nesta consta, e ningún dos asistentes se manifesta en contra. Só intervén José Maneiro Maneiro para manifestar que se deberían exporen copias das actas nos lugares de costume, antes de celebrarmos a asemblea.

Unha de dúas, o secretario ou os comuneiros non debemos estar na mesma asemblea. Despois da intervención deste comuneiro, houbo un intenso debate e aprobouse por maioría que a xunta reitora tiña que expolas actas días despois de celebrarse a asemblea, e non o mesmo día que se celebre a seguinte. Que lóxica ten iso?, se instantes despois xa dan lectura á mesma. Non publicalas ao seu debido tempo ten a súa lóxica, quen se acorda seis meses despois do que se falou e debateu? Poucos. Desta forma é máis fácil manipulalas.
Resumindo, de que vale que tomemos acordos por abrumadora maioría, se se negan a acatalos?.

Pasamos ao segundo punto, no que o presidente informa á asemblea dos traballos que se queren facer no monte con tres persoas que pertenceron á cuadrilla de prevención. Comenta que foi un acordo que se aprobou unanimemente na última reunión da xunta reitora. En dita reunión acordouse que tres integrantes da cuadrilla de prevención continuaran facendo traballos no monte, entre os cales estaba o de cortar leña para vendela. Continua informando o presidente de que despois de varios comentarios sobre prezos, cantidade, forma de cortala e transportala, etc, decidiuse probar ata fin de ano, a ver se era rendible. Intervén Humberto Piñeiro, manifestando que esas tres persoas xa están traballando sen que o aprobara unha asemblea, e, segundo el, tódalas decisións que tome a directiva da comunidade teñen que ser necesariamente aprobadas con anterioridade nunha asemblea. A resposta do presidente é que non ten que ser necesariamente así, xa que, se fora deste xeito, moitas decisión sería imposible tomalas. Tamén lle contesta Fernando Fernández Formoso, mostrando o seu desacordo coas súas opinións, e, ao remate da intervención deste comuneiro, Francisco Calo García pregunta en que asemblea se nomeou como vogal a Fernando Fernández Formoso, solicitando que conste na acta a súa pregunta, e que se lle reposte. A resposta é que foi elixido na reunión da xunta reitora celebrada o día 17 de xuño do 2009.

Aínda que na acta se fala de tres os comuneiros beneficiados, en realidade foron catro, xa que o tractorista foi un máis. Fago este apuntamento, polo que pasou agora na asemblea.
Con respecto á miña pregunta, textualmente foi: en que asemblea «xeral» se nomeou como vogal ao señor Fernández Formoso? Non se me contestou como consta na acta, se non houbese rebatido dita ilegalidade.
Algún comuneiro ou directivo doutras comunidades entenderá ou aplicará a doutrina do noso presidente?: «...non ten que ser necesariamente así, xa que, se fora deste xeito, moitas decisións sería imposible tomalas» [sic].

Sen máis intervencións, consúltase coa asemblea se están de acordo en continuar ata fin de ano cos traballos no monte, e sen ningunha opinión en contra, damos por aprobado este punto.

Como ben dixo Humberto Piñeiro, os traballadores xa estaban traballando «dende setembro ou outubro e con contrato en vigor». De votarse en contra, estarían no seu dereito a reclamala rescisión do contrato.

No terceiro punto, explica o presidente que, para poder xestionar as posibles subvencións que ofrecen os distintos organismos, un requisito que nos esixen é unha autorización da asemblea á directiva da comunidade para poder facer estas xestións, e que non estaría de máis renovar esta autorización. Tódolos comentarios son a favor, e despois de consultar coa asemblea, apróbase este punto sen ninguén manifestarse en contra.

No cuarto punto dáse conta a unha solicitude presentada polos veciños de Queiro, para unha cesión dun terreo no monte, aproximadamente duns 200 m2, no que queren construír unha arqueta de auga e tamén pasar tubarias novas da arqueta ás casas. Aprobase unanimemente.

No quinto punto informa o presidente dos atrancos que tivo a obra do punto limpo pola parte do Concello, a causa da creba da empresa inicialmente contratada. Fanse tamén varios comentarios sobre o tema da concentración parcelaria (entrega de títulos, circunvalación de Coira, etc) e con base na proposta de Mª Jesús Rodríguez Martínez, acórdase recoller o maior número de reclamacións, para entre todos intentar que a concentración termine os diversos traballos que ten sen rematar.

É totalmente falso e aquí é onde vexo a manipulación ou a incompetencia do secretario, de que os atrancos do punto limpo fosen culpa do concello ou o que é o mesmo, do ex-alcalde, o señor Tomé do Partido Popular. A súa construción é competencia da Xunta de Galicia e cando se fixo a cesión, aínda gobernaba o bipartito «PSOE-BNG». Vexan se non o que manifestou en abril o compañeiro do presidente: o edil Xoán León pide á Xunta que axilice a obra do punto limpo. Máis claro, auga.

E cando son as 8:19, xa ca xente empezando a abandonar o local, dáse por rematada a asemblea.

Documento redactado en base as fotografías que achego

Aclarando a homenaxe

Un ano máis, e xa van 3, a homenaxe aos mortos de Cans acaba sendo noticia polo motivo equivocado. Polo tanto, déixenme recapitular para saber o que ocorre.

Dende hai 10 anos, e por iniciativa propia, veño organizando este acto coa mellor das intencións, aberto á colaboración das persoas interesadas no feito. Naquel tempo, militaba no BNG, pero nunca busquei converter este acto nun evento político ou privado; os descendentes das vítimas merecen un respecto e eu, consecuente del, non empreguei ningún elemento nacionalista no mesmo, como se pode observar na foto que encabeza a crónica de prensa de La Voz de Galicia da primeira homenaxe, Veciños de Nebra renden tributo as vítimas dunha carga policial en 1916, a bandeira galega colocada na ponte de Cans, só ten un crespón negro, ningún elemento nacionalista.

Para o segundo ano, sendo consciente xa dende que comecei con isto que anos atrás houbera un  intento de facerlles un monolito, pedra que desapareceu, decidín recadar fondos mediante a venda de camisetas e lotaría (financiada por Autos Loreto), para erixir un monumento na súa lembranza. O resto, veu dunha doazón dun neto de Antonio Sobrado Luaces, do BNG e da miña parte, sen contalo traballo.

Foi ese segundo ano, grazas á miña militancia no partido, cando me pediron autorización para imprimilo cartaz anunciando a inauguración do monolito, de aí que o logotipo do BNG apareza nel, aínda que o primeiro imprimino eu, e logo eles fixeron unha versión alternativa con fotocopias da prensa da época. A partires do terceiro paso a contar con creacións orixinais do meu fillo o que xa non debeu de gustarlles, pois pola súa man e aproveitando que estou emigrado en Palma de Mallorca, engádenlle a posterior o anagrama. Será a partires do cuarto cando se deixara de contar coa "colaboración" do BNG en forma de logotipo (inda que imprimen os carteis ata o 2006), pois, nun primeiro momento aceptara baixo a premisa de que tiñamos obxectivos comúns (a lembranza destas persoas), pero co paso dos anos, era evidente que perseguían outros obxectivos.

Neste punto convén deixar claro que a colaboración non pasou máis que da impresión dos carteis, polo demais, ningún ano puxeron ou aportaron ren para o ramo de flores (sempre os paguei eu). Nos seguintes anos, non se lles impediu a súa presenza, faltaría máis, os carteis anunciaban un acto aberto, sen ningún selo, e as crónicas dos xornais establecían a presenza de militantes, non que fose organizado por eles. Polo demais, se asistían estas persoas ao acto, sempre seria baixo a súa idea, non se obrigou a ninguén.

Por que agora teiman en poñer por diante o anagrama político? Cabe lembrar as verbas do militante Santiago Suárez, no 2003 (3ª homenaxe) nunha entrevista de La Voz de Galicia: Queremos lembrar unha parte da historia sonense

«a idea foi dun veciño de Nebra, coñecido como Paco de Martelo» «Paco empezou a recadar fondos entre os veciños. Acadáronse máis de 120 euros para a financiación do monumento, no que tamén colaborou o BNG».

Velaí está a confirmación, en boca desta persoa, o actual presidente da Comunidade de Montes, afirmando quen foi o impulsor da homenaxe, renegará agora das súas verbas?

Non poño en dúbida que toda esta contra-homenaxe dende o 2007 está orquestrada por esta persoa, co visto e prace do BNG de O Son. Para ese ano 2007, a súa convocatoria unha hora despois da miña creou confusión na xente que ao final non asistiu a ningunha (só había militantes). Neste ano lémbranse de poñer flores pola súa conta, máis non esquecen de poñerlle o logotipo por canto lado teñan as fitas que o engalanan.

O ano pasado, 2008, aproveitando as obras de saneamento e colocación de beirarrúas en Cans, solicítolle ao concello unha pequena modificación sobre a marcha, para destacar o entorno do monolito. Así, aceptase facer esa modificación e, adicionalmente, o señor alcalde, Manuel Tomé, comprometese a poñer unha placa na que contar, de xeito resumido, os feitos. Con estas, ese ano acordo facer no cartel a mención á colaboración do concello, aparte de agradecerlle a impresión dos carteis, tanto ese ano coma o anterior.

Con motivo da inauguración da placa, convocase ao alcalde, como debe ser, e, xa días antes a militancia do BNG de O Son faime saber o seu descontento por esta presenza. Quen son eles para decidir quen pode ou non asistir a un acto aberto? Para dar a nota, ese ano fixeron acto de presenza cunha bandeira nacionalista, e, para darse importancia, no discurso de Ánxela Franco (outra cousa que tampouco se lles prohibiu, adicar unhas verbas no acto), entre palabras sen sentido co acto en si, escápaselle que levan «6 anos organizando isto». Mágoa que esa era a 9ª edición da homenaxe.

Logo do acto tentei aclararlles a fin desta homenaxe, e a gran equivocación que cometen afirmando que sempre o fixeron eles. Dando por suposto que entenderon a situación, este ano non me preocupei de que volvese ocorrer o mesmo. Visto o relatado, quen estaría no seu dereito a convocala homenaxe?

Pois non se renden, de novo unha contra-homenaxe, e de novo "súalla" o que diga eu. Estando o meu acto anunciado no Concello e en Cultura (isto non obriga a nada, pero faino un pouco máis oficial), sendo eu a persoa responsable do mesmo (se alguén se interesa polo acto no concello vanlles remitir ao meu teléfono), o único que argumentan é que tiña que ter contactado con eles para facer o acto conxunto... sen contar que o encargado de realizar a contra-homenaxe négase a falar comigo, e ninguén lle pode impedir facer o acto, porque o di el.

Por certo, destacar que, ante a presunta desaparición dun cartel da "súa" homenaxe, esta persoa non dubidou en chamar por teléfono para acusarnos. E sospeitosamente, agora está o seu nese sitio e desapareceu o meu. A min non se me ocorreu chamarlle cando vin que, o que eu puxera na igrexa ao mediodía, non estaba á tarde e si o seu.

Cal é a realidade desta teima? Pois hai anos o BNG de O Son encargábase da homenaxe a Ramón Sampedro, pero por desinterese, "escapóuselles" o acto en mans doutra xente, e, en palabras textuais da propia xente do BNG, «non queren que o de Cans tamén se lles escape». A alguén lle parecen argumentos? Eu agardo (sen mala fe) a que fagan unha contra-homenaxe no acto de Sampedro, xa que ninguén llo pode impedir como din no caso de Cans.

Pouco queda que dicir dunha xente que entende un acto de homenaxe como unha maneira de recadar votos, e como mostra, unha réplica que fixeron no Chuza, a onde remitiron a anterior entrada: Homenaxe os caidos en Nebra:

«nos últimos anos esta homenaxe estase tinxindo de polémica, a raíz de que un partido político tenta facer "política barata" con esta homenaxe. Dende logo, o que hai que lamentar é que por culpa deses impresentables, esta homenaxe colla mala fama en Nebra.»

Fai o que che mando, e non o que fago eu

É curioso, esta é a receita que esixen os ex compañeiros do Bloque ao alcalde (Partido Popular) de Porto do Son, mentres un dos seus militantes, negase a facilitala información que lle demandan os comuneiros.

Pasa o mesmo cos plenos, alí esixen que se graven e se non están de acordo con algo non recollido en acta protestan. Eu tamén protesto cando non recollen verbas miñas e a súa contestación é que non poden recoller todo. A entrada dio todo.

As imaxes están tomadas en Porto Nadelas, Queiruga, e son exclusivas como acompañamento da entrada. Á vista da maquinaria alí aparcada, a empresa publica Tragsa esta facendo un movemento de terras dende o linde de costas ata o altar da Virxe do Carme.

O BNG sonense insta ao alcalde a paralas obras que se están facendo no paseo de Queiruga

O BNG pide parar unha obra en Porto Nadelas

Pillase antes a un mentireiro, que a un coxo

Custoume traballo, pero grazas a Google hoxe case non hai secretos. Esta información dáme pe ao titulo da entrada, que amosa como o presidente nos mentiu na asemblea e que el non era quen de cedelo noso local para dalo mitin, xunto co seu partido.

O día 21 e 22 de xaneiro foi publicado no Boletín Oficial da Provincia de A Coruña e Pontevedra, a relación dos locais e lugares públicos para a realización dos actos de campaña electoral nas citadas provincias:
Pontevedra: http://eleccions09.xunta.es/nova_18_es.html
A Coruña: http://eleccions09.xunta.es/nova_14_es.html

Na relación de A Coruña, no Concello de Porto do Son aparece a seguinte información:
Locais cubertos:
Salón da Casa de Cultura de Portosín.
Casa de Cultura de Porto do Son.
Casa de Cultura de Queiruga.
Casa de Cultura de San Pedro.
Casa de Cultura de Baroña.
Casa de Cultura de Miñortos.
Casa de Cultura de Ribasieira.
Casa de Cultura de Caamaño.
Horario: tódolos dias de 16 a 24 horas.

Locais descubertos:
Praza do porto de Portosín.
Praza de España en Porto do Son.
Horario: tódolos dias sen limite de horario.

Nesa relación non aparece o noso local, pero si aparecen noutros concellos locais de titularidade privada, como poden ser: locais sociais, de asociacións de veciños ou de comunidades de montes. Incluso a Xunta Electoral ten que autorizar os espazos públicos abertos, como son campos de festa.
No Concello de Poio (Pontevedra) atopamos os locais das comunidades de montes de: Rega dos Agros (Combarro) e Rega do Chan (parroquia de Samieira).

Preguntas feitas a un alcalde, que por ética e respecto manteño no anonimato:

Diríxome a Vostede nun intento de clarexar unha dubida que teño respecto ao uso que se fixo en Nebra nas eleccións autonómicas do noso local, por parte do BNG.

Pregunta.- Cómo podo indagar se a xunta electoral autorizou este local para dar mitins?
Resposta.- A Xunta electoral designa o locais electorais en cada proceso a partir da proposta dos respectivos concellos, que normalmente é aceptada integramente. Para averiguar se un sitio esta designado local electoral podes informarte na Xunta Electoral de Zona (no Xulgado de Noia, Praza da Constitución, a carón da Igrexa de San Martiño.

P.- Que documento tería que remitirnos caso de dar autorización, para solicitar copia?
R.- No concello teñen comunicación daqueles locais autorizados así como das horas reservadas. Tamén teñen coñecemento os partidos políticos a través dos representantes que ten cada partido na Xunta Electoral.

P.- Non tería primeiro a comunidade autorizar ese uso para ditos fins?
R.- O caso concreto descoñezo. O concello só designa locais da súa propiedade, ou polo menos así sucede neste Concello. A veces eses locais están cedidos a asociacións pero son propiedade do concello que os pode designar para o uso dos mitins nas eleccións.
Se é unha propiedade privada, supoño que se debería solicitar autorización previa. Non sei se a lei prevé que se poidan adoptar decisións unilaterais por parte da administración para o uso de locais privados, pero en todo caso debería existir algunha comunicación.

P.- A onde podería dirixirme a parte de aos comuneiros e comuneiras, para dar conta desta grave irregularidade e uso fraudulento, na miña opinión, dun local privado por parte dun partido político, caso de que non houbese autorización?
R.- Depende da situación do acontecido.
1º) Se o local está designado como local electoral é a Xunta electoral quen decide como e cando se pode empregar. E é na Xunta electoral onde hai que denunciar os feitos, e normalmente durante ese periodo electoral e preferiblemente a traves dos distintos representantes que hai na xunta dos partidos. Eu creo que agora non se podería denunciar. Podería suceder que un partido solicitara o local e os outros non o fixeran en prazo (creo que non é o caso), porque tamén existen prazos para as solicitudes.
2º) Se o local non está designado e SE é propiedade privada, entón a situación é semellante a se un bar ou un particular cede a un partido o seu espazo. Calquera na súa propiedade pode permitir a celebración dun mitin. No caso dunha comunidade de montes, entón xa se trataría dun tema interno, estatutos, socios, e que nada tería que ver coa xunta electoral, senón tería que ver o funcionamento interno da Comunidade.
3º) Se o local non está designado como local electoral e é propiedade municipal. Entón poderíase reclamar tanto ante o concello como ante a xunta electoral.

Non sei se me expliquei ben, pero ante calquera dubida envíame un mail e tentarei resolvela.

P.D. Isto non é un informe xurídico, so unha opinión persoal en base a miña experiencia, polo que podo cometer algún erro no que che estou dicindo.

Ditadura, discriminación, caciquismo e presidencialismo: 2ª parte

«Decidimos na xunta reitora que en vez de abrir outro proceso deses que tanto che gustan a ti...»

Esta frase adicouma o presidente, ficando tan "chulo", cando lle preguntei pola adxudicación a dedo (sen concurso de adxudicación) de 2 muros. Dita obra custou, presuntamente, 12 mil euros, e, segundo me informou o alcalde, fíxose sen licenza municipal.

Debido as intervencións que xorden nesta parte de propostas e preguntas, e o carácter das mesmas, dareille outro enfoque a esta entrada para dixerila mellor. Comeza a cousa cando tomo a palabra para a primeira consulta:

- Paco Calo (eu): Quería saber se a Xunta Electoral dou autorización para dar un mitin neste local? Está aprobado polos comuneiros cedelo para dar mitins mentres a veciños de Nebra se lles negou dúas veces? (ve-lo artigo: Local veciñal, de amigos ou do Bloque?).
- Presidente (P.): A Xunta Electoral non dou permiso para nada.
- eu: Quen dou permiso para dalo mitin aquí?
- P.: ¡Eu!
- eu: De quen é o local, do presidente ou dos comuneiros?
- P.: Se non o sabes! Non sabes de quen é o local? (mentres di estas verbas, fai un aceno despectivo levando un dedo á sen dereita).
- eu: Penso que é dos comuneiros.
- P.: Si, haber se o sabes.
- eu: Os comuneiros teremos algo que dicir nisto, non sei? Se o presidente me di que son o presidente e fago o que quero.
- P.: Que o que eu queira, non o dixen tampouco.
- eu: Acabas de dicir que fuches ti o que destes autorización.
- P.: Si...! E qué!?

Este "qué", provoca risas nun pequeno sector que non sabe de que vai a cousa, e menos comportarse. Tanto o presidente coma esa xente, deberon pensar que lle preguntara a quen cedera a súa casa e non o "noso" local. A forma xocosa de responder e o seu airado ton, fai que levante a voz.

- eu: Santiago non me fagas pasar... entendes? Ti non es quen, para darlle ao Bloque autorización para dar aquí un mitin no local!!.
- P.: Iso é porque o dis ti, ou por qué é!?
- eu: Iso é porque o din... os estatutos da comunidade e punto.
- P.: Que os estatutos da comunidade din qué...? Eu dei permiso para que viñesen poñer esa trapallada aquí e que viñesen dar a palilla aquí. Pedinlle permiso á Xunta Electoral...? noon, e non llo vou pedir (frase apupada por unha vogal: aí, aí).

Ás veces non é bo botala lingua a pacer. Na mesma asemblea podía facela calar con razóns de peso, pero caleime por educación. Educación e "intereses" son incompatibles, coido que se me pode entender por onde vou.

Artigo 8º.- Corresponde á asemblea xeral.
- Aprobar o outorgamento de cesións, arrendamentos, plans de aproveitamento e toda clase de contratos con terceiros.

Neste caso houbo unha cesión e ao mellor, incluso tiña que haber un contrato, para que a comunidade estivese libre de posibles responsabilidades civís. No caso que di o presidente, o permiso fora dado a copropietarias, non a xente sen vinculación coa comunidade. Palillar non é dar mitins políticos, polo que neste caso nomeala Xunta Electoral, sobraba. Era o que faltaba, que non lles dese permiso, e si ao seu partido.

- eu: Estás confundindo... estávos confundindo... estávos confundindo!
- P.: Vale!
- (intervén outro comuneiro) F.F.: Iso non é así, ao ser un acto político deben contar coa conveniencia de tódolos veciños.
- P.: Si, si, e se mo pedira o PP ou o PSOE, por suposto tamén o facía. Este é un local para os veciños.
- F.F.: Non se podía facer iso.
- P.: Si... si. Este é un local para os veciños e se o PP me pide permiso, tamén o deixaba. Tanto se estou afiliado (BNG) a un partido político como se non, pero bueno. A min se o PP me di se pode dar un mitin aquí, por suposto. Quen dou autorización a... para...? non sei se o Bispo... o Arcebispo. Pois fun eu... e qué? Non vén a conto. É dicir, este local é dos veciños, e os veciños como se son do Bloque, como se son da parroquia... isto non hai nada que discutir. Agora que a ti non che guste eu dea autorización porque é do Bloque, pois son problemas teus.
- F.F.: Non, non, o problema será dos veciños.
- P.: Dos veciños non, eu dou autorización para dar un mitin, para para facer palilla, para facer un curso que se vai facer aquí o martes, para unha reunión que non lembro (Medio Rural). A comisión de festas non tivo problemas para usalo local.

Prodúcese un largo debate por este tema é cando o presidente di que non lle negou o local á comisión de festas, volvo a intervir.
- eu: Estou falando de Afune, da Asociación Afune.
- P.: Por Afune falou o teu fillo e díxenlles que viñeran aquí e que fixeran o que quixesen.
- (intervén o secretario de Afune) T.C.: Eu pedín permisos e díxoseme que ata que o local estivese entregado non se me podía firmar papel ningún.
- P.: Pregunta ás mulleres se teñen unha resposta por escrito?
- T.C.: A min dixéstesme, eu déixocho sen papeis, pero o tesoureiro dixo que non se podía.
- P.: Entón non estas falando o que falastes comigo, se non, o que falastes co tesoureiro.

O problema que concirne a Afune, e de aí que lle esixisen autorización por escrito, é que cando querían o local para facer unha exposición de 3 días, na primeira ocasión o presidente díxolles que se neses días, por un casual, lles fixera falla o local, que tiñan que pasar ao soto. Algo para eles inviable, xa que non podían desmontar todo en horas. No caso do tesoureiro, a explicación foi que mentres non estivese entregado, non podían autorizar o uso, cando nese medio tempo se lle cedera a Medio Rural para unha reunión da parcelaria.

Para pechar este debate quédome cunha frase que repetiu insistentemente o presidente: «eu dei os permisos para usalo local», en ningún momento usou os termos que nos deciden, "a xunta reitora acordamos dalos permisos".

- (intervén outra ex-vogal) J.S.: Se alguén de fora quere vir das clases ao local e se se lle da permiso, se hai troco de directiva, a nova pode dicir que non poden seguir antes de acabalas?
- P.: No que apunta Paco e máis xente, habería que darlle algún papel... pero de momento estamos agora mesmo sen luz... estamos en obras... dar un papel, en fin, se esta facendo así un pouco.

A isto teño que dicir, e sentíndoo pola xente, que no pouco tempo que estiven de secretario tratei de poñer a vocais e comuneiros ao día, mentres a outros interésalles máis que sexan analfabetos. Isto pasa con demasiadas persoas que non teñen unha conciencia comuneira. Dixéralles que os acordos tomados por outras directivas son vinculantes, sempre e cando se aproben legalmente. Se se aproba unha cesión segundo os estatutos, a nova directiva ten que asumila. Caso diferente, por poñer un exemplo, foi que xente allea á comunidade fixese uso de instalacións nosas, como foi o mitin ou que a gandeiros amigos puidesen gardalos cabalos nos nosos peches.

Prosegue o presidente:
- P.: Se non hai máis preguntas, nós estamos os sábados no local, e pódense aclarar cousas e ter a preguntar porque se fai isto e por qué non o facedes mellor... por qué non convocades isto... así estamos máis a diario, sen que haxa que estar reunidos sempre.
- eu: Iso non vale de nada, as asembleas non se poden suprimir. O que se fai os sábados, si, esta ben, pero iso non pode suprimilas asemblea, iso é o que estas dicindo, suprimilas asembleas. O que facedes agora os sábados, foi o que empecei a facer no outro local, pero non se tomaban determinacións, falábase, que vos parece isto ou o outro, e despois levábanse á Xunta Reitora e á Asemblea Xeral, pero o presidente di que esta facendo facendo cousas que se aproban os sábados, como é iso?
- P.: Pero eu no vou a discutir 30 anos máis Paco.
- eu: Contigo si, 30, 60 ou 90.
- P.: Por prazos! Podémolo discutir máis veces, pero vamos pasar todo o día a discutilo.
- eu: Eu xa o digo, contigo 30, 60 ou 90.
- P.: Si, a min gústame discutir, pero que non toda las cousas e que iso xa está discutido.

Teño que facer un alto para ler o apartado da convocatoria onde afirma o que lle estou dicindo.
«Moitas persoas, con moi distintas opinións, falaron e discutiron con nós de moitos asuntos, e todo o que fixemos fixémolo coa colaboración dun grande número de comuneiras e comuneiros»

Sinto dicilo, pero isto non ten pes ni cabeza e descoñezo en que comunidades de montes, aplican este termino, pero mais ben supoño que en ningunha. Cando remato de dar lectura a esa cita o presidente inquire:
- P: Si, e que queres dicir?
- eu: (non me deixa explicar o que acabo de ler, pero sigo) Ti non podes suprimilas asembleas e tratas de poñerme á xente en contra e xa mo dixestes unha vez, pero ti non podes suprimilas asembleas. (Xa me ameazara con por aos comuneiros na miña contra, se non dimitía. Iso fíxoo no Bar Universal, co vicepresidente e tesoureiro de testemuñas).
- P.: Non suprimo nada e se as asembleas son coma esta, estupendo... pero creo que é a primeira asemblea que sucedeu isto.

Moi mala memoria ten, os problemas empezaron a xurdir coas asembleas "embarulladas", cando se negou a acatar en dúas o voto maioritario dos comuneiros que aprobaron os bancos da Igrexa. Como estaba en contra fixo o imposible para que a xente se cabrease e non foi ata a terceira asemblea, na que tivo que "claudicar" co que libremente votaban os comuneiros e comuneiras. A seguinte foi cando lle preguntaron porque se contratara persoal xubilado, sen contrato e sen seguro para traballar no monte e ese mesmo día, inda sendo secretario, informei aos comuneiros que o presidente non podía trocalo proxecto do local e adxudicalo sen unha nova poxa.

- P.: Hai que tomar decisións tódolos días.
- eu: Teño outra pregunta...
- P.: Contestación á túa pregunta se me deixas. Hai que tomar decisións tódolos dias...
- eu: Si, como lle jod...s o agro de meu pai, pero déixame facer outra pregunta...
- P.: Si, pero déixame falar tamén a min, xa esta recollido en acta que o falamos moitas veces, hai que tomar decisións tódolos días e non se pode facer unha asemblea para cada decisión que haxa que tomar, iso esta moi claro....
- eu: Non estou dicindo iso e sabes que no estou dicindo.
- P.: Iso esta ben claro?
- eu: Si.
- P.: Entón despois tomamos decisións, se despois a ti non che gustan...

En ningún momento, e sei o que digo, que para iso están as actas que pouco a pouco irei publicando, non discutín ningún acordo tomado maioritariamente nunha asemblea, discuto acordos tomados de forma caciquil. Como ben digo, o presidente non só discutiu acordos votados maioritariamente, se non que obrigou a votalos 2 veces porque non lle gustaba o resultado e conseguía que a xente se marchase "cabreada". Dende logo hai que ser cínico, fixeron o que quixeron co agro de meu pai, e temos que claudicar porque tomaron eles a decisión e como non nos gustou, temos que apandar. Nin en tempos da Ditadura, se deron estes casos en Nebra.

Fago unha nova pregunta, relativo a adxudicación a dedo dos 2 muros arredor do local, que presuntamente custou 12 mil euros e aínda esta sen rematar. Se vale mais, a Xunta Reitora non podía adxudicalo:

- eu: Ese muro que se fixo, cantos contratistas deron presuposto?
- P.: Ese?
- eu: O muro.
- P.: ... Non houbo contratistas que deran presuposto. Houbo como ben ti sabes, 3 contratistas...
- eu: Non, non.
- P.: A ver, contéstoche ou no?
- eu: Non, pregunto polo muro.
- P.: Houbo 3 contratistas, como sabes, que deron o presuposto para construílo local e decidimos na xunta reitora que en vez de abrir outro proceso deses que tanto che gustan a ti...
- eu: Non é que me gusten a min...
- P.: Non, non falarei.
- eu: Non, é que estas enganando e mentindo...
- P.: E ti, facendo o ridículo.
- eu: Non me tomes o pelo!! Non me intentes tomalo pelo. Non son cousas que me gusten a min, e os veciños sabédelo, os vocais o sabedes e calades... non vos digo como que... (calei certos cualificativos, por educación e respecto). Non son cousas que me gusten a min.
- P.: Pero eu teño máis que escoitarte que é o que... che ven á cabeza e, Paco. Eu marcho para a casa, que teño máis que facer que aguantarche. Ou te pos a funcionar!!
- eu: Máis teño que aguantar eu do bolsillo Santi, e non me fagas falar Santi.
- (outro comuneiro) H.P.: Un minuto, pero o que esta dicindo Paco, faise así como di el, queredes...

Non podo seguir redactando o desenlace da asemblea, porque abandono o local ante o carácter agresivo que usou o presidente comigo. Fora do local, pregúntolle ao vogal de Cornido:
- eu: Quen plantou os pinos no monte? A quen llo destes a dedo?
- J.R.: Eu non fun!
- eu: Hai non fostes! Pero queredes tomarme o pelo!

Decido achegarme ao secretario para facerlle a mesma pregunta.
- eu: Quen plantou os pinos no monte? A quen lle destes o traballo? Andades de "cachondeo" coa xente? Home non me jo..s, se Franco hai 30 anos que morreu.

Agardo que tódalas miñas intervencións consten en acta. Un comuneiro xa fóra do local dime que iso era Ditadura pura e dura, e que moitos están de acordo comigo, pero que calan a boca.
A pregunta clave pode ser, como é posible que un vocal e o secretario non saiban contestarme como se organizou a plantación de piñeiros?

En fin, desculpen a extensión da entrada, pero trato de que se entenda o porque dos problemas en algunhas comunidades, cando a política anda polo medio. Porque esta é a pura realidade. Dou por rematado o debate, aínda que no interior do local o presidente seguiu discutindo coa xente que opinaba o mesmo que min.
Estes son os muros dos 12 mil euros.